| e-texts navigator |
| Wylie |
61b1 པའོ།། །། དེ་ནས་བྱང་ཆུབ་ཀྱི་སེམས་ཀུན་བྱེད་རྒྱལ་པོ་དེས་ཉིད་ཀྱི་རང་བཞིན་ཐམས་ཅད་ལ་གོལ་ས་དང་སྒྲིབ་པ་མེད་པ་རྒྱལ་བའི་སྙིང་པོ་ཡིན་པ་འདི་གསུངས་སོ།། ཀྱེ་སེམས་དཔའ་ཆེན་པོ་ཉོན
61b2 ཅིག། ང་ནི་ཀུན་གྱི་བྱང་ཆུབ་སེམས།། དེས་ན་ཀུན་གྱི་སྙིང་པོར་བཤད།། སྐུ་གསུམ་སྟོན་པ་རྣམ་གསུམ་དང་།། དུས་གསུམ་སངས་རྒྱས་བཞུགས་པ་དང་།། ཁམས་གསུམ་སེམས་ཅན་ཐམས་ཅད་དང་།། སྣང་སྲིད
61b3 སྣོད་བཅུད་ཐམས་ཅད་ལ།། འབྱུང་བའི་སྙིང་པོ་ང་ལས་མེད།། དེ་ཡང་ཇི་ལྟ་བུ་ཞེ་ན།། མི་རྟོག་མཉམ་པ་དེ་ཉིད་ལས།། སྐྱེ་བ་མེད་པའི་ཆོས་སྐུ་བྱུང་།། རང་གི་ངོ་བོ་དེ་ཉིད་ལས།། འདོད་པ་ལོངས་སྤྱོད་རྫོགས་སྐུ
61b4 བྱུང་།། ཐུགས་རྗེ་བྱང་ཆུབ་ཆེན་པོ་ལས།། སྤྲུལ་པས་འགྲོ་བའི་དོན་མཛད་བྱུང་།། དུས་གསུམ་སངས་རྒྱས་ཐམས་ཅད་དང་།། སྔར་འདས་པ་ཡི་སངས་རྒྱས་ཀྱིས།། རང་འབྱུང་ཡེ་ཤེས་སེམས་ཉིད་དེ།། མི་རྟོག་རྟོགས
61b5 ནས་སྔར་སངས་རྒྱས།། ད་ལྟར་མི་རྟོག་ངང་ལ་བཞུགས།། ད་ལྟར་བཞུགས་པའི་སངས་རྒྱས་ཀྱང་།། རང་འབྱུང་ཡེ་ཤེས་སེམས་ཉིད་དེ།། མི་རྟོག་པས་ནི་འགྲོ་དོན་མཛད།། སླད་ནས་བྱོན་པའི་སངས་རྒྱས
61b6 རྣམས།། བྱང་ཆུབ་རང་འབྱུང་ཡེ་ཤེས་དེ།། མི་རྟོག་པ་ཡི་ལུང་བསྟན་ནས།། འགྲོ་བའི་དོན་ལ་འབྱུང་བར་ངེས།། རིག་འཛིན་དང་ནི་ས་པ་རྣམས།། རང་འབྱུང་བྱང་ཆུབ་སེམས་དེ་ནི།། བལྟས་པས་མཐོང་བ་མ་ཡིན
iiif viewer powered by OpenSeadragon
