| e-texts navigator |
| Wylie |
61a1 པར་བྱ།། ཀྱེ་སེམས་དཔའ་ཆེན་པོ་འདི་རྟོགས་ཤིག། ཐེག་པ་རེ་ལ་ལྟ་བ་རེ།། ལྟ་བའི་ཡུལ་ནི་གཞན་མེད་དེ།། ཆོས་ཉིད་བྱང་ཆུབ་སེམས་འདི་ལ།། གཞན་དུ་ལྟ་བའི་ཡུལ་མེད་པས།། ལྟ་བ་ཞེས་ལྟ
61a2 ནོར་བར་བཤད།། ཐེག་པ་རེ་ལ་དམ་ཚིག་རེ།། བྱང་ཆུབ་ལམ་གྱི་སྐྱེལ་མ་བྱེད།། བྱང་ཆུབ་གཟུང་འཛིན་མེད་པའི་ཕྱིར།། གཞན་དུ་བསྲུང་དུ་མེད་པའི་ཕྱིར།། དམ་ཚིག་ལ་ཡང་བསྲུང་དུ་མེད།། ཐེག་པ་རེ་ལ་ཕྲིན
61a3 ལས་རེ།། བྱང་ཆུབ་ལམ་གྱི་སྟོང་གྲོགས་བྱེད།། བྱང་ཆུབ་ལྷུན་གྱིས་གྲུབ་པའི་ཕྱིར།། ཕྲིན་ལས་བཙལ་དུ་མེད་པ་ཡིན།། ལས་ཀྱིས་ལྷུན་གྱིས་གྲུབ་འགྱུར་མེད།། ཐེག་པ་རེ་ལ་གནས་ས་རེ།། བྱང་ཆུབ་ལམ་གྱི་གཞི
61a4 རྟེན་བྱེད།། རྫོགས་ཆེན་བྱང་ཆུབ་སེམས་ས་ལ།། དུས་གསུམ་སངས་རྒྱས་ཐམས་ཅད་དང་།། སྐུ་གསུམ་སྟོན་པ་བཞུགས་པ་དང་།། ཁམས་གསུམ་སེམས་ཅན་མ་ལུས་དང་།། སྣང་སྲིད་སྣོད་བཅུད་གནས་པའི
61a5 ཕྱིར།། ས་ལ་སྦྱངས་ཤིང་བགྲོད་དུ་མེད།། ཐེག་པ་རེ་ལ་ཆོས་ཉིད་རེ།། རྫོགས་ཆེན་ཆོས་ཉིད་བྱང་ཆུབ་སེམས།། སེམས་ལས་མ་གཏོགས་ཆོས་མེད་པས།། ཐེག་པའི་ཆོས་ཀུན་བྱང་ཆུབ་སེམས།། རྫོགས་ཆེན་རང
61a6 འབྱུང་ཡེ་ཤེས་ནི།། ཡུལ་ལ་རྟོག་པར་མི་བྱེད་དེ།། མི་རྟོག་མི་བསྐྱོད་ཡེ་ཤེས་སོ།། ཞེས་གསུངས་སོ།། བྱང་ཆུབ་ཀྱི་སེམས་ཀུན་བྱེད་རྒྱལ་པོ་ལས་ལྟ་སྤྱོད་ཀྱི་གོལ་སྒྲིབ་བསྟན་པའི་ལེའུ་སྟེ་སུམ་ཅུ་རྩ་བརྒྱད
iiif viewer powered by OpenSeadragon
