| e-texts navigator |
| Wylie |
60b1 དཔྱོད་འདས།། གང་ཞིག་རྟོག་དཔྱོད་བྱེད་པ་དེས།། བྱང་ཆུབ་ནམ་མཁའ་བཞིན་དུ་འགྲུབ།། རྟོག་དཔྱོད་གཉིས་བྱུང་གོལ་སྒྲིབ་པོ།། ལྟ་སྤྱོད་ནམ་མཁའི་རང་བཞིན་ལ།། གང་ཞིག་གཟུང་དང་འཛིན་བྱེད་པས།། བྱང
60b2 ཆུབ་ནམ་མཁའ་དེ་མི་འགྲུབ།། གཟུང་འཛིན་གཉིས་བྱུང་གོལ་སྒྲིབ་པོ།། ལྟ་སྤྱོད་རྣམ་པ་གཉིས་བྱུང་ནས།། ནམ་མཁའ་གཉིས་སུ་མེད་པ་བཞིན།། བྱང་ཆུབ་ལ་ནི་གཉིས་སུ་མེད།། གང་ཞིག་གཉིས་སུ་བྱེད་པ
60b3 དེས།། བྱང་ཆུབ་ནམ་མཁའ་དེ་མི་འགྲུབ།། ལྟ་སྤྱོད་གཉིས་བྱུང་གོལ་སྒྲིབ་པོ།། བྱང་ཆུབ་ནམ་མཁའི་རང་བཞིན་དེ།། ནམ་མཁའ་ལ་ནི་བླང་དོར་མེད།། གང་ཞིག་བླང་དོར་བྱེད་པ་དེས།། བྱང་ཆུབ་ནམ་མཁའ་དེ་མི
60b4 འགྲུབ།། བླང་ཞིང་དོར་བ་གོལ་སྒྲིབ་པོ།། བྱང་ཆུབ་ནམ་མཁའི་རང་བཞིན་དེ།། ནམ་མཁའ་ལ་ནི་རྩོལ་སྒྲུབ་མེད།། གང་ཞིག་རྩོལ་སྒྲུབ་བྱེད་པ་དེས།། བྱང་ཆུབ་ནམ་མཁའ་དེ་མི་འགྲུབ།། རྩོལ་ཞིང་སྒྲུབ་པ་གོལ
60b5 སྒྲིབ་པོ།། བྱང་ཆུབ་ནམ་མཁའི་རང་བཞིན་དེ།། ནམ་མཁའ་ལ་ནི་རྒྱུ་འབྲས་མེད།། གང་ཞིག་རྒྱུ་འབྲས་གཉིས་ལྟ་བས།། བྱང་ཆུབ་ནམ་མཁའ་དེ་མི་འགྲུབ།། རྒྱུ་འབྲས་ལྟ་བ་གོལ་སྒྲིབ་པོ།། ཀྱེ་སེམས་དཔའ་ཆེན
60b6 པོ།། ཆོས་ཀུན་ནམ་མཁའི་རང་བཞིན་ཏེ།། ནམ་མཁའ་ལ་ནི་རང་བཞིན་མེད།། ནམ་མཁའ་ལ་ནི་དཔེ་ཡང་མེད།། ནམ་མཁའ་ལ་ནི་ཚད་ཀྱང་མེད།། ཆོས་རྣམས་ཐམས་ཅད་མ་ལུས་པའི།། དོན་ནི་འདི་ལྟར་ཤེས
iiif viewer powered by OpenSeadragon
