| e-texts navigator |
| Wylie |
60a1 འབྱེད་པ་ནི།། ཨུ་པ་ཡ་རུ་གོལ་བར་བཤད།། ཡོ་ག་སྟུག་པོ་བཀོད་འདོད་པ།། མཚན་མ་ཡོད་མེད་སྒོར་ཞུགས་ནས།། ཕྱག་རྒྱ་བཞི་ལ་གཙོར་བྱེད་དེ།། བླང་དོར་མེད་ལ་འཇུག་མི་ནུས།། ཨ་ཏི་ཡོ་གའི
60a2 བདེ་ཆེན་ནི།། བླང་དོར་མེད་པའི་བྱང་ཆུབ་སེམས།། བླང་དོར་མེད་ལ་ཡོགས་བསྒྲིབས།། རྫོགས་ཆེན་བླང་དང་དོར་བྱེད་པ།། ཡོ་ག་དག་ཏུ་གོལ་བར་བཤད།། མ་ཧཱ་རྡོ་རྗེ་འཆང་འདོད་པ།། ཐབས་དང་ཤེས་རབ
60a3 སྒོར་ཞུགས་ནས།། རང་རྒྱུད་དག་པའི་དཀྱིལ་འཁོར་ལ།། བསྙེན་སྒྲུབ་རྣམ་བཞི་སྒྲུབ་པར་བྱེད།། ཨ་ཏི་ཡོ་ག་བདེ་ཆེན་ནི།། རྩོལ་སྒྲུབ་འདས་པའི་བྱང་ཆུབ་སེམས།། རྩོལ་སྒྲུབ་འདས་ལ་མ་ཧཱས་བསྒྲིབས།། རྫོགས
60a4 ཆེན་རྩོལ་སྒྲུབ་བྱེད་པ་ནི།། མ་ཧཱ་ཡོ་གར་གོལ་བར་བཤད།། ཨ་ནུ་དབྱེ་མེད་ས་འདོད་པ།། དབྱིངས་དང་ཡེ་ཤེས་སྒོར་ཞུགས་ནས།། འདི་ལྟར་སྣང་བའི་ཆོས་རྣམས་ལ།། རྒྱུ་ནི་དག་པའི་དབྱིངས་ལྟ་བ།། འབྲས་བུ་ཡེ
60a5 ཤེས་དཀྱིལ་འཁོར་ལྟ།། ཨ་ཏི་ཡོ་གའི་བདེ་ཆེན་ནི།། རྒྱུ་འབྲས་འདས་པའི་བྱང་ཆུབ་སེམས།། རྒྱུ་འབྲས་འདས་ལ་ཨ་ནུས་བསྒྲིབས།། རྫོགས་ཆེན་རྒྱུ་འབྲས་གཉིས་ལྟ་ན།། ཨ་ནུ་ཡོ་གར་གོལ་བར་བཤད།། ལྟ་སྤྱོད
60a6 གཉིས་ཀྱི་གོལ་སྒྲིབ་བསྟན།། ཀྱེ་སེམས་དཔའ་ཆེན་པོ།། རྫོགས་པ་ཆེན་པོའི་ལྷ་སྤྱོད་ནི།། རྒྱུ་འབྲས་སྒྲུབ་དང་མི་འདྲ་སྟེ།། ལྟ་སྤྱོད་བྱང་ཆུབ་སེམས་དེ་ནི།། ནམ་མཁའ་ལྟ་བུའི་རང་བཞིན་ཏེ།། ནམ་མཁའ་ལ་ནི་རྟོག
iiif viewer powered by OpenSeadragon
