| e-texts navigator |
| Wylie |
5b1 བྱུང་བའི་སྟོན་པ་སྐུ་གསུམ་ལ། ཁྱོད་སར་འགྲོ་བའི་ལམ་ནི་ཡོད་དམ་མེད།། མེད་ན་ཁྱོད་ཀྱིས་ས་རུ་ཕྱིན་མི་ཕྱིན།། ཡོད་ན་བགྲོད་ནས་ཕྱིན་ནམ་མ་བགྲོད་ཕྱིན།། ཀྱེ་སེམས་དཔའ་ཆེན་པོ་ཉོན་ཅིག། ང་ལས་བྱུང་བའི
5b2 སྟོན་པ་སྐུ་གསུམ་ལ།། ང་ཡི་ས་རུ་བགྲོད་པའི་ལམ་མེད་དེ།། ང་ཡི་རང་བྱུང་ཡེ་ཤེས་བསྟན་པ་ཡིན།། སྐུ་གསུམ་སྟོན་པ་དེ་ཡི་འཁོར་རྣམས་ལ།། རྣམ་པར་ཐར་པའི་ལམ་ནི་རྣམ་ལྔ་སྟེ།། དུས་གསུམ་སངས་རྒྱས་ཀུན
5b3 གྱི་ལམ་དུ་བསྟན།། རང་འབྱུང་ཡེ་ཤེས་ལྔ་ཡི་ལམ་ལྔ་ནི།། འདོད་ཆགས་དང་ནི་ཞེ་སྡང་གཏི་མུག་དང་།། ང་རྒྱལ་དང་ནི་ཕྲག་དོག་རྣམ་ལྔ་སྟེ།། རང་འབྱུང་ཡེ་ཤེས་རྣམ་ལྔ་ཀུན་གྱི་ལམ།། ཞེས་གསུངས་སོ།། སྟོན་པའི
5b4 སྟོན་པ་ཀུན་བྱེད་རྒྱལ་པོ་ལགས།། རང་འབྱུང་ཡེ་ཤེས་ལམ་ལྔ་བསྟན་པ་དེ།། རང་འབྱུང་ཞེས་ནི་ཇི་ལྟར་བྱུང་བ་ལགས།། ཡེ་ཤེས་བྱ་བའི་གཏན་ཚིགས་ཅི་ལ་གདགས།། ལམ་ཞེས་བགྱི་བའི་དོན་ནི་གང་ལ
5b5 བགྱི།། འདོད་ཆགས་ཞེ་སྡང་གཏི་མུག་ང་རྒྱལ་དང་།། ཕྲག་དོག་ལ་སོགས་རྣམ་པ་ལྔ་པོ་དེ།། ལམ་ལྔ་ཡིན་པའི་དོན་ནི་བཤད་དུ་གསོལ།། ཞེས་ཞུས་སོ།། ཀྱེ་སེམས་དཔའ་ཆེན་པོ།། རང་འབྱུང་ཡེ་ཤེས་རྣམ་པ་ལྔ
5b6 ལམ་ནི།། རང་འབྱུང་རྒྱུ་རྐྱེན་མེད་པར་བྱུང་བ་ཡིན།། ཡེ་ཤེས་འགག་པ་མེད་པར་གསལ་བ་ཡིན།། ལམ་ནི་རྒྱུ་རྐྱེན་མེད་པས་བགྲོད་མི་དགོས།། མི་བགྲོད་རང་འབྱུང་ལྔ་ལ་ལམ་ལྔར་བཤད།། འདོད་པ་ཆོས་རྣམས
iiif viewer powered by OpenSeadragon
