| e-texts navigator |
| Wylie |
57b1 པས།། རང་གི་ངོ་བོས་འཆད་ཅིང་སྟོན་པ་ཡིན།། སེམས་དཔའ་ཆེན་པོ་ཁྱོད་ཀྱིས་ཀྱང་།། མ་རྟོགས་གཞན་ལ་ཁྱོད་ཀྱིས་ལུང་སྟོན་ཅིག། ཀྱེ་སེམས་དཔའ་ཆེན་པོ་ཉོན་ཅིག། ས་ཆུ་མེ་རླུང་ནམ་མཁའི་སྒྲ་གྲག
57b2 དང་།། རྒྱུད་དྲུག་སེམས་ཅན་རྣམས་ཀྱི་སྒྲ་ཚིག་འདི།། ཀུན་བྱེད་ང་ཡི་གསུང་ལས་གཞན་མེད་པས།། ཚིག་སྒྲ་དོན་གྱིས་བསྡེབས་བཤད་དེ་ལ་བྱ།། ཀྱེ་སེམས་དཔའ་རྡོ་རྗེ་ཁྱོད་ཀྱིས་ཀྱང་།། མ་རྟོགས་གཞན་ལ་ཁྱོད
57b3 ཀྱིས་ལུང་སྟོན་ཅིང་།། ཀྱེ་སེམས་དཔའ་ཆེན་པོ་ཉོན་ཅིག་ཁམས་གསུམ་རྒྱུད་དྲུག་སེམས་ཅན་ཐམས་ཅད་དང་།། འབྱུང་ཆེན་ལྔ་ཡི་མི་རྟོག་མཉམ་ཉིད་དང་།། ཆོས་ཉིད་མི་སྐྱེ་མི་རྟོག་མི་འགག་སྟེ།། ཀུན་བྱེད་ང
57b4 ཡི་ཐུགས་སུ་དེ་ལས་མེད།། སེམས་དཔའ་ཆེན་པོ་རྡོ་རྗེ་ཁྱོད་ཀྱིས་ནི།། མ་རྟོགས་གཞན་ལ་ཁྱོད་ཀྱིས་ལུང་སྟོན་ཅིག། སེམས་དཔའ་ཆེན་པོས་འདི་ལུང་མ་བསྟན་ན།། ང་ཡི་རང་བཞིན་ཤིན་ཏུ་མི་རྟོགས་ཏེ།། མ་རྟོགས
57b5 ང་དང་ཕྲད་པར་མི་འགྱུར་ན།། དུས་གསུམ་སངས་རྒྱས་རྣམས་ཀྱི་གདུང་འཚོབ་པ། ཁམས་གསུམ་གནས་པའི་སེམས་ཅན་ཐམས་ཅད་དང་།། ལ་དགུ་ལུང་དགུ་རྒལ་བའི་ས་བཅུ་དང་།། ཚེ་ལ་དབང་སྒྱུར་ཕྱག་རྒྱ་ལྷུན
57b6 གྱིས་གྲུབ་པ་དང་།། རིག་འཛིན་གསུམ་ལ་སོགས་པའི་གདུང་འཚོ་བ་ཀྱིས།། ཀུན་བྱེད་ང་དང་ཡུན་དུ་ཕྲད་མི་འགྱུར།། ཀུན་བྱེད་ང་དང་ཡུན་དུ་མ་ཕྲད་ན།། ཁམས་གསུམ་རྒྱུད་དྲུག་གནས་པའི་སེམས
iiif viewer powered by OpenSeadragon
