| e-texts navigator |
| Wylie |
57a1 ཆེན་པོ།། ང་ཡི་རང་བཞིན་འདི་རྟོགས་ཤིག། ང་ནི་བྱང་ཆུབ་སེམས་ཀྱི་རང་བཞིན་ཏེ།། བྱང་ཆུབ་སེམས་ནི་ཀུན་བྱེད་རྒྱལ་པོ་ཡིན།། ཀུན་བྱེད་རྒྱལ་པོའི་རང་བཞིན་སྐུ་གསུང་ཐུགས།། སྐུ་གསུང་ཐུགས
57a2 ཀྱིས་མ་བྱས་གཅིག་ཀྱང་མེད།། དུས་གསུམ་སངས་རྒྱས་སྐུ་གསུང་ཐུགས་ཀྱིས་བྱས།། ཁམས་གསུམ་སེམས་ཅན་ལུས་ངག་ཡིད་གསུམ་ཡང་།། ཀུན་བྱེད་ང་ཡི་སྐུ་གསུང་ཐུགས་ཀྱིས་བྱས།། སྣང་སྲིད་སྣོད་བཅུད
57a3 བསྡུས་པ་ཐམས་ཅད་ཀྱང་།། ཇི་བཞིན་མ་བཅོས་པ་ཡི་ཆོས་ཉིད་དུ།། ཀུན་བྱེད་ང་ཡི་སྐུ་གསུང་ཐུགས་ཀྱིས་བྱས།། ཞེས་གསུངས་པ་དང་།། སེམས་དཔའ་རྡོ་རྗེས་སླར་ཞུས་པ།། ཀྱེ་ཀུན་བྱེད་རྒྱལ་པོ་བྱེད་པའི་བདག
57a4 པོ་ལགས།། མ་རིག་མ་རྟོགས་དོན་འདི་བཤད་དུ་གསོལ།། ཇི་ལྟར་བྱས་པ་བདག་ལ་བཤད་དུ་གསོལ།། ཞེས་ཞུས་པས།། ཀྱེ་སེམས་དཔའ་ཆེན་པོ་ཉོན་ཅིག། ང་ནི་སྐུ་གསུང་ཐུགས་ཀྱི་རང་བཞིན་ཏེ།། སྐུ་ནི་ཆོས
57a5 ཉིད་མངོན་དུ་ཕྱུང་བ་དེས།། ཀུན་བཟང་རོལ་པ་རྨད་དུ་འབྱུང་བ་བྱས།། གསུང་གི་སྒྲ་ཚིག་མངོན་དུ་བསྒྲགས་ནས་ནི།། དོན་གྱི་ཆོས་ཉིད་ཚིག་གིས་གོ་བར་བསྟན།། ཐུགས་ནི་རང་འབྱུང་ཡེ་ཤེས་འགག་མེད
57a6 ཀྱིས།། སྟོན་པ་ཡེ་ཤེས་སྒྲོན་མ་བྱས་ནས་ནི།། ཆོས་ཉིད་དོན་གྱི་ངོ་བོ་མ་ནོར་སྟོན།། ཀྱེ་སེམས་དཔའ་ཆེན་པོས་དོན་འདི་རྟོགས་པར་གྱིས།། སྣང་སྲིད་སྣོད་བཅུད་དེ་ལྟར་སྣང་བ་ལས།། ང་ལ་སྐུ་ཡི་ངོ་བོ་གཞན་མེད
iiif viewer powered by OpenSeadragon
