| e-texts navigator |
| Wylie |
56a1 ཀྱིས་ནི།། ང་ཡི་རང་བཞིན་རྟོགས་མི་འདྲ།། རྟོགས་མི་འདྲ་བས་ཡིད་མི་ཆེས།། ཀུན་བྱེད་བྱང་ཆུབ་སེམས་རྟོགས་ཤིག། ཀུན་བྱེད་བྱང་ཆུབ་སེམས་རྟོགས་ན།། རང་འབྱུང་བྱང་ཆུབ་སེམས་དེ
56a2 ཡིས།། རྟག་ཆད་གཉིས་ཀྱི་མཐའ་བསལ་ཏེ།། མ་སྐྱེས་གཟུང་འཛིན་བྲལ་བ་ཡིས།། རྟག་པའི་དངོས་པོ་མཐའ་བསལ་ལ།། རང་འབྱུང་ཡེ་ཤེས་འགྱུར་མེད་པས།། མེད་པ་ཆད་པའི་མཐའ་ཡང་བསལ།། མུ་ཞེས་བྱ་བ
56a3 ཆོས་ཀྱི་དབྱིངས།། སྟེགས་ཞེས་བྱ་བ་རྟོགས་པའི་གནས།། སངས་རྒྱས་སེམས་ཅན་གཉིས་མཐོང་བ།། ཀུན་བྱེད་བྱང་ཆུབ་སེམས་མ་མཐོང་།། ཞེས་གསུངས་སོ།། བྱང་ཆུབ་ཀྱི་སེམས་ཀུན་བྱེད་རྒྱལ་པོ་ལས་དགོངས
56a4 པ་འདུས་པའི་ལུང་གི་ལེའུ་སྟེ་སུམ་ཅུ་རྩ་བཞི་པའོ།། །། དེ་ནས་བྱང་ཆུབ་ཀྱི་སེམས་ཀུན་བྱེད་རྒྱལ་པོས་ཉིད་ཀྱི་བསྟན་པ་གཞན་གྱི་སྤྱོད་ཡུལ་མ་ཡིན་པ་རྫོགས་པ་ཆེན་པོའི་གཞུང་རྒྱུ་འབྲས་རྩོལ་སྒྲུབ
56a5 ལས་འདས་པ་འདི་བསྟན་ཏེ།། ཀྱེ་སེམས་དཔའ་ཆེན་པོ།། ང་ཡི་སྤྱོད་ཡུལ་འདི་ནི་དཀའ་བ་སྟེ།། སྒོ་དང་ལྟ་བ་དང་ནི་དམ་ཚིག་དང་།། ཕྲིན་ལས་དང་ནི་བགྲོད་ལམ་གནས་པ་དང་།། ཡེ་ཤེས་ཆོས་ཉིད་རྣམ་པ་བརྒྱད
56a6 པོ་འདི།། སྐུ་གསུམ་ཐེག་པ་རྣམ་པ་ལྔ་པོ་ཡི།། ཐེག་པ་གཞན་དང་ལྟ་སྤྱོད་མི་མཐུན་ཏེ།། སྒོ་ནི་བཙལ་དུ་མེད་པའི་སྒོ་ནས་འཇུག། ལྟ་བ་བསྒོམ་དུ་མེད་པར་བསྟན་པ་ཡིན།། དམ་ཚིག་བསྲུང་དུ་མེད་པར་བསྟན་པ
iiif viewer powered by OpenSeadragon
