| e-texts navigator |
| Wylie |
55b1 ཀུན།། བཟང་ངན་བླང་དོར་མེད་པ་རུ།། ཀུན་བྱེད་མངོན་དུ་ཕྱུང་བར་འདུས།། རྡོ་རྗེ་སེམས་དགོངས་འདུས་པ་ནི།། མི་སྐྱེ་མི་འགག་དགོངས་པ་འདུས།། རབས་བདུན་ཤཱཀྱ་ཐུབ་པ་དང་།། སྟོང་རྩ་གཉིས་དང་རྡུལ
55b2 སྙེད་དང་།། སྐུ་གསུང་ཐུགས་ཀྱིས་དོན་མཛད་པའི།། བྱུང་ཡང་སྐུ་གསུང་ཐུགས་ལས་བྱུང་།། སྐུ་གསུང་ཐུགས་ཀྱི་ཆོས་ཉིད་ལ།། སྐུ་གསུང་ཐུགས་ཀྱིས་དོན་མཛད་ཚུལ།། དེ་ཡང་ཀུན་བྱེད་ཉིད་དུ་འདུས།། ཆོས་ཀྱི
55b3 དབྱིངས་ཀྱི་ཕོ་བྲང་ན།། ང་རུ་མ་འདུས་གཅིག་ཀྱང་མེད།། ནམ་མཁའི་ཁམས་ཀྱི་གཞལ་ཡས་ན།། ང་རུ་མ་འདུས་གཅིག་ཀྱང་མེད།། ཅེས་གསུངས་པས་དེར་སེམས་དཔའ་རྡོ་རྗེ་སྔངས་ཏེ་བརྒྱལ་ལོ།། དེར་བརྒྱལ་བ
55b4 སངས་ནས་ཞུས་པ།། ཀྱེ་འདུས་པའི་རྒྱལ་པོ་དེ་ཉོན་ཅིག། བྱས་པའི་ཆོས་དང་ཀུན་འདུས་ན།། མ་བྱས་པ་ཡང་ཀུན་འདུས་སམ།། མ་བྱུང་བ་ཡང་ཀུན་འདུས་སམ།། ཆོས་ཀྱི་དབྱིངས་དང་ནམ་མཁའི་ཁམས།། མུ
55b5 སྟེགས་ཕྱིན་ཅི་ལོག་ལྟ་བ།། རྟག་ཆད་གཉིས་སུ་ལྟ་བ་ཡང་།། ཁྱོད་ཀྱིས་མ་ནོར་དགོངས་ཡིན་ན།། སངས་རྒྱས་སེམས་ཅན་ཅི་ལ་གདགས།། མུ་སྟེགས་སངས་རྒྱས་ཅི་ལ་རྒྱ།། ཅེས་གསུངས་སོ།། དེ་ནས་བྱང་ཆུབ་ཀྱི
55b6 སེམས་ཀུན་བྱེད་རྒྱལ་པོ་ཐམས་ཅད་འདུས་པའི་རྒྱལ་པོ་དེས་བཀའ་སྩལ་པ།། ཀྱེ་སེམས་དཔའ་ཆེན་པོ་ཉོན་ཅིག། ང་ཡི་རང་བཞིན་རྟོགས་འགྱུར་ན།། ཀུན་ཀྱང་འདུས་པར་ཡིད་ཆེས་ན།། སེམས་དཔའ་ཆེན་པོ་ཁྱོད
iiif viewer powered by OpenSeadragon
