| e-texts navigator |
| Wylie |
55a1 ཡིས་ང་ལ་འདུས་པར་བསྟན།། ཀྱེ་སེམས་དཔའ་ཆེན་པོ་ཉོན་ཅིག། ཀྱེ་གོང་བཤད་སངས་རྒྱས་ཐམས་ཅད་ཀྱི།། དགོངས་པ་དོན་གྱིས་འདུས་པ་ནི།། ཀུན་བྱེད་རྒྱལ་པོའི་རང་བཞིན་ནི།། སྐྱེ་བ་མེད
55a2 པར་བསྟན་པ་བཞིན།། སངས་རྒྱས་ཀུན་ལ་སྐྱེ་མེད་པས།། སྐྱེ་མེད་ཆོས་ཉིད་འདུས་པར་བསྟན།། ཀུན་བྱེད་རྒྱལ་པོའི་རང་བཞིན་ལ།། ཆོས་ཉིད་འགག་པ་མེད་པ་བཞིན།། གོང་བཤད་སངས་རྒྱས་ཐམས་ཅད
55a3 ཀྱི།། ཆོས་ཉིད་ལ་ནི་འགག་པ་མེད།། དེས་ན་ཆོས་ཉིད་འདུས་པར་བསྟན།། ཀྱེ་སེམས་དཔའ་ཆེན་པོ་ཉོན་ཅིག། རྟགས་ཀྱིས་འདུས་པར་བསྟན་པ་ནི།། རྟགས་ནི་ཀུན་རྟགས་བྱང་ཆུབ་སེམས།། ཀུན་བྱེད་རྒྱལ་པོ
55a4 སེམས་ཀྱིས་ནི།། ཆོས་ཀྱི་སྐུ་དང་ཀུན་ཏུ་བཟང་།། རྡོ་རྗེ་སེམས་ལ་སོགས་པ་ཡི།། དུས་གསུམ་སངས་རྒྱས་མ་ལུས་པའི།། སྙིང་པོ་རྟགས་ནི་སེམས་སུ་འདུས།། དེས་ན་དཔེ་དོན་གསུམ་དུ་འདུས།། ཀྱེ་ཀུན་བྱེད་རྒྱལ
55a5 པོ་ང་ལ་ནི།། སྤྱི་འདུས་སྒོ་འདུས་དགོངས་པ་འདུས།། སྤྱི་འདུས་དཔེ་དོན་རྟོགས་འདུས་ལ།། སྒོ་འདུས་རྣམ་པ་ལྔ་འདུས་ཏེ།། ཆོས་སྐུ་དགོངས་པ་འདུས་པ་ནི།། མི་རྟོག་མཉམ་པ་ཉིད་འདུས་ལ།། མི་གཡོ་ཆོ་འཕྲུལ
55a6 འབྱིན་པར་ནུས།། ལོངས་སྤྱོད་སྐུ་ཡི་དགོངས་འདུས་པ།། མངོན་སུམ་རང་བཞིན་སྣང་བ་དང་།། འདོད་པ་ཚོགས་པས་འབྱིན་པར་འདུས།། ཀུན་བཟང་དགོངས་པ་འདུས་པ་ནི།། ཇི་ལྟར་སྣང་བ་ཐམས་ཅད
iiif viewer powered by OpenSeadragon
