| e-texts navigator |
| Wylie |
54b1 ཉོན་དགོངས་འདུས་གྱིས།། ཅེས་གསུངས་སོ།། ཀྱེ་སྟོན་པ་ཀུན་བྱེད་རྒྱལ་པོ་ལགས།། ཆོས་ཀྱི་སྐུ་དང་ལོངས་སྤྱོད་རྫོགས།། ཀུན་བཟང་རྡོ་རྗེ་སེམས་དཔའ་དང་།། རྣམ་གཟིགས་གཙུག་ཏོར་ལ་སོགས་ཏེ།། རབས
54b2 བདུན་ཤཱཀྱ་ཐུབ་པ་དང་།། སྟོང་རྩ་གཉིས་ཀྱི་སངས་རྒྱས་དང་།། ལྷུན་གྱིས་གྲུབ་དང་རྡུལ་སྙེད་ཀྱི།། དགོངས་པ་ཁྱོད་ལ་འདུས་ལགས་སམ།། ཞེས་ཞུས་སོ།། དེ་ནས་ཀུན་བྱེད་རྒྱལ་པོས་ཡིན་པའི་སྒྲ་བརྗོད་པ།། ཀྱེ
54b3 རྟོགས་པའི་རྒྱལ་པོ་ད་ཉོན་ཅིག། ཧོ་ཧོ་ཡིན་པའི་སྒྲ་བརྗོད་དེ།། དཔེ་དང་དོན་དང་རྟོགས་གསུམ་གྱིས།། དགོངས་པ་འདུས་པའི་དོན་བསྟན་པ།། ང་ཡི་རང་བཞིན་ནམ་མཁའ་འདྲ།། ང་ཡི་དོན་ནི་ཆོས་ཉིད་ཡིན།།
54b4 ཡི་ངོ་བོ་བྱང་ཆུབ་སེམས།། ཀྱེ་ང་ནི་མ་བསྒྲིབས་རྟོག་པ་མེད།། རྟོག་མེད་ནམ་མཁའ་ཆོས་ཀྱི་སྐུ།། ང་ནི་མི་རྟོག་བླང་དོར་མེད།། བླང་དོར་མེད་དེ་ནམ་མཁའ་འདྲ།། ནམ་མཁའ་བླང་དོར་མེད་པ་བཞིན།། ཀུན་དུ
54b5 བཟང་ལ་བླང་དོར་མེད།། བླང་དོར་མེད་པ་ང་ལས་འདུས།། ཀྱེ་སེམས་དཔའ་ཆེན་པོ་ཉོན་ཅིག། ཀྱེ་ང་ནི་མ་སྐྱེས་ནམ་མཁའ་འདྲ།། མ་སྐྱེས་པ་ཡི་ནམ་མཁའ་བཞིན།། རྡོ་རྗེ་སེམས་ལ་སྐྱེ་བ་མེད།། སྐྱེ་མེད་དགོངས
54b6 པ་ང་ལ་འདུས།། རྣམ་གཟིགས་རབས་བདུན་ཤཱཀྱ་ཐུབ།། སྟོང་རྩ་གཉིས་དང་རྡུལ་སྙེད་དང་།། ལྷུན་གྲུབ་སངས་རྒྱས་ཐམས་ཅད་ཀྱང་།། དགོངས་པ་ནམ་མཁའི་རང་བཞིན་ཏེ།། སྐྱེ་མེད་མི་རྟོག་བླང་དོར་མེད།། དཔེ
iiif viewer powered by OpenSeadragon
