| e-texts navigator |
| Wylie |
54a1 གནས་པ་དེས།། ལམ་ལ་མ་བགྲོད་སངས་རྒྱས་ས་རུ་ཕྱིན།། རིག་པ་མ་སྦྱངས་རང་འབྱུང་ཡེ་ཤེས་རྙེད།། ཕྲིན་ལས་མ་བཙལ་རང་བཞིན་ལྷུན་གྱིས་གྲུབ།། དམ་ཚིག་མི་ལྡོག་རང་བཞིན་རྣམ་པར
54a2 དག། ཡུལ་དང་དབང་པོ་དེ་བཞིན་ཉིད་དུ་གསལ།། སངས་རྒྱས་སེམས་ཅན་གཉིས་སུ་མ་མཐོང་སྟེ།། དེ་བཞིན་ཉིད་དུ་ཐམས་ཅད་གཅིག་པར་མཐོང་།། དེ་བཞིན་ཉིད་ལ་གཅིག་དང་དུ་མ་མེད།། མ་བྱུང་མ་སྐྱེས་པ
54a3 ཡི་སྙིང་པོ་ལ།། སྒྲོས་ཀྱིས་བཏགས་པའི་ཐ་སྙད་ག་ལ་ཡོད།། ཀྱེ་སེམས་དཔའ་ཆེན་པོ་རིག་པའི་རྒྱལ།། སངས་རྒྱས་སེམས་ཅན་སྣང་སྲིད་སྣོད་བཅུད་ཀུན།། ཀུན་བྱེད་ང་ཡི་རང་བཞིན་སྒྲོས་སྐུར་བྲལ།། ང་ཡི་རང
54a4 བཞིན་དེ་བཞིན་ཉིད་གཅིག་ལ།། སྐུ་གསུམ་སྟོན་པས་སོ་སོར་བསྟན་པ་ཡང་།། དེ་བཞིན་ཉིད་ལ་དྲང་བའི་ལུང་བསྟན་ཡིན།། ཞེས་གསུངས་སོ།། བྱང་ཆུབ་ཀྱི་སེམས་ཀུན་བྱེད་རྒྱལ་པོ་ལས་ངེས་པའི་ལུང་དང་དྲང
54a5 བའི་ལུང་བསྟན་པའི་ལེའུ་སྟེ་སུམ་ཅུ་རྩ་གསུམ་པའོ།། །། དེ་ནས་བྱང་ཆུབ་ཀྱི་སེམས་ཀུན་བྱེད་རྒྱལ་པོ་དེས་སངས་རྒྱས་ཐམས་ཅད་ཀྱི་དགོངས་པ་ཉིད་ལ་འདུས་པའི་མདོ་འདི་གསུངས་སོ།། ཀྱེ་རྟོགས་པའི
54a6 རྒྱལ་པོ་སྒྲ་ཉོན་ཅིག། ཀུན་བྱེད་རྒྱལ་པོ་ང་ཡིས་ནི།། དུས་གསུམ་སངས་རྒྱས་ཐམས་ཅད་ཀྱི།། དགོངས་པའི་དོན་ནི་ང་ལ་འདུས།། ང་ཡི་རང་བཞིན་འདི་ལ་ནི།། སྐུ་འདུས་གསུང་འདུས་དགོངས་པ་འདུས།། ང་ཡི་སྒྲ
iiif viewer powered by OpenSeadragon
