| e-texts navigator |
| Wylie |
53b1 ནི།། བྱ་བའི་ལས་ནི་ལྟ་སྤྱོད་སྣ་ཚོགས་ཀྱིས།། འབྲས་བུ་གསུམ་ནི་གང་དང་གང་སྒྲུབ་པ།། རིག་པའི་རྒྱལ་པོས་ཆོས་དེ་ཇི་ལྟར་རིག། ཅེས་གསུངས་སོ།། རིག་པའི་རྒྱལ་པོས་སླར་གསུངས་པ།། ཀྱེ་ཀུན་བྱེད་རྒྱལ་པོ
53b2 ཁྱོད་ལས་བྱུང་བ་ཡི།། སྐུ་གསུམ་སྟོན་པ་ཁྱོད་ཀྱི་ངོ་བོ་གསུམ།། དེ་གསུམ་བསྟན་པ་རྣམ་གསུམ་ཁྱོད་ཀྱི་ལྡེམ་དགོངས་ཏེ།། རིག་པ་སོ་སོའི་སེམས་ལ་ལྡེམ་དགོངས་བསྟན།། དེ་དག་གང་ལ་དགོངས་ནས་ལྡེམ་པ
53b3 བསྟན།། མི་འཕྲོ་ཞི་གནས་ཚོལ་ལ་དགོངས་པའི་ཕྱིར།། རང་རེ་གང་འཐད་ཡུལ་ལ་ལྡེམ་དུ་གཞུག། སྐུ་གསུམ་སྟོན་པ་དྲང་ལུང་སྟོན་པ་དེས།། ལ་ལས་ས་དང་ལམ་གྱི་འབྲས་བུ་བསྟན།། ལ་ལས་དངོས་མིན་ཆུ་ཟླའི
53b4 འབྲས་བུ་བསྟན།། ལ་ལས་ཉིད་ཀྱིས་ཉིད་བསྒྲུབ་འབྲས་བུ་བསྟན།། སྐུ་གསུམ་བསྟན་པ་ལྡེམ་དགོངས་ལུང་བསྟན་ཏེ།། ངེས་པར་མ་བསྟན་དྲང་བའི་ལུང་བསྟན་ཏེ།། མི་འཕྲོ་ཞི་གནས་ཚོལ་བའི་ཏིང་འཛིན་ཡིན།། རྒྱུ
53b5 འབྲས་ཐེག་ཆེན་དྲང་བའི་ལུང་དུ་བསྟན།། ཅེས་གསུངས་སོ།། ཀྱེ་རིག་པའི་རྒྱལ་པོ་སེམས་དཔའ་རྡོ་རྗེ་ཉོན།། དོན་དམ་ངེས་པའི་ལུང་ཞེས་བསྟན་པ་ནི།། རིག་པའི་རྒྱལ་པོས་རིག་གམ་བསྟན་དུ་མེད།། མི་གནས
53b6 དམིགས་པར་བྱ་བའི་ཡུལ་མ་ཡིན།། མི་རྟོག་རྟོག་ལས་འདས་པའི་རང་བཞིན་ལ།། ཏིང་འཛིན་མི་བསྒོམ་བསམ་པའི་ཡུལ་དང་བྲལ།། འདོད་པའི་སེམས་མེད་བླང་བའི་འབྲས་བུ་མེད།། མི་རྟོག་ཇི་བཞིན་པ་རུ
iiif viewer powered by OpenSeadragon
