| e-texts navigator |
| Wylie |
53a1 ཅན་སེམས་ཀྱིས་སྒྲ་དོན་དེ་རིག་བྱེད།། དེ་རིགས་ཀུན་བྱེད་ཤིན་ཏུ་རྟོགས་དཀའ་རིག། ཀུན་བྱེད་ཉིད་ལས་གཞན་ཞེས་བསྟན་པ་མེད།། ཅེས་གསུངས་སོ།། དེ་ནས་ཀུན་བྱེད་རྒྱལ་པོས་རིག་པའི་རྒྱལ
53a2 པོ་ལ་སླར་གསུངས་པ།། ང་ཡི་རང་བཞིན་རྟོགས་དཀའ་འདི་རིག་ན།། ཆོས་ཀྱི་མདོ་རྩ་ཡན་ལག་ཀུན་རིག་གིས།། རིག་པའི་རྒྱལ་པོ་ཞེས་སུ་མཚན་ཡང་བཏགས།། ཀྱེ་བྱེད་པའི་རྒྱལ་པོ་ཀུན་བྱེད་བྱང་ཆུབ་སེམས།།
53a3 ཁྱོད་ཀྱི་རང་བཞིན་འདི་ལྟར་ཆོས་ཉིད་འདི།། སེམས་དང་ཡེ་ཤེས་ཆོས་ཉིད་རིག་པ་སྟེ།། དེ་ཡི་རང་བཞིན་བདག་གིས་འདི་ལྟར་མཐོང་།། སེམས་ཉིད་སྤྲོས་བྲལ་སྒྲ་ནི་ཆོས་ཉིད་སྒྲ།། སེམས་ཉིད་མ་བསྒྲིབས་སྒྲ་ནི
53a4 ནམ་མཁའི་ཁམས།། སེམས་ཉིད་ངོ་བོ་སྙིང་པོ་འབྱུང་བའི་སྒྲ།། རིག་པ་སོ་སོར་རྟོག་པ་སེམས་ཅན་སེམས།། སེམས་ཀྱི་རང་བཞིན་ལས་ནི་གཞན་མེད་དེ།། ཀུན་བྱེད་རྒྱལ་པོ་སེམས་ལས་གཞན་མེད་དོ།། ཅེས
53a5 གསུངས་སོ།། ཀྱེ་སེམས་དཔའ་ཆེན་པོ།། ང་ཡི་རང་བཞིན་དེ་རིག་ན།། ཀུན་བྱེད་ང་ཡི་རང་བཞིན་རིག་པ་ཡིན།། ང་རིག་གཅིག་རིག་ཀུན་རིག་ཐམས་ཅད་རིག། སེམས་དཔའ་ཆེན་པོ་རྡོ་རྗེ་ཁྱོད་ལ་ནི།། རིག་པའི
53a6 རྒྱལ་པོ་ཞེས་སུ་མིང་བཏགས་སོ།། ཀྱེ་རིག་པའི་རྒྱལ་པོས་དེ་ལྟར་རིག་གྱུར་ན།། ང་ལས་བྱུང་བའི་སྟོན་པ་སྐུ་གསུམ་གྱིས།། བསྟན་པའི་ཐེག་པ་རྣམ་པ་གསུམ་བྱུང་ནས།། རྒྱུ་ལས་འབྲས་བུ་འདོད་པ་གསུམ་གྱིས
iiif viewer powered by OpenSeadragon
