| e-texts navigator |
| Wylie |
4b1 བཞིན་ཁྱོད་ལ་བསྟན་པར་བྱ།། ང་ལ་རང་བཞིན་རྣམ་པ་གསུམ་ཡོད་དེ།། ང་ཡི་རང་བཞིན་བྱང་ཆུབ་སེམས་ཡིན་ནོ།། བྱང་བ་དག་གི་རང་བཞིན་བསྟན་པ་ནི།། ཕུན་སུམ་ཚོགས་པ་རྣམ་གསུམ་ཆོས་ཉིད་བྱང་།། ཆུབ
4b2 པ་དག་གི་རང་བཞིན་བསྟན་པ་ནི།། དགོས་པ་ཚོགས་པ་རྣམ་པ་གསུམ་གྱིས་ནི།། ནམ་མཁའ་བཞིན་དུ་ཀུན་ལ་ཁྱབ་པར་གནས།། སེམས་ཞེས་བྱ་བའི་རང་བཞིན་བསྟན་པ་ནི།། མི་འགག་མ་ལུས་ཀུན་བྱེད་རྒྱལ་པོ
4b3 སྟེ།། ཀུན་བྱས་བྱང་ཆུབ་སེམས་སུ་མ་ལུས་བྱས།། ཞེས་གསུངས་སོ།། བྱང་ཆུབ་ཀྱི་སེམས་ཀུན་བྱེད་རྒྱལ་པོ་ལས་ཆོས་ཉིད་མངོན་དུ་ཕྱུང་ནས་བསྟན་པའི་ལེའུ་སྟེ་གཉིས་པའོ།། །། དེ་ནས་བྱང་ཆུབ་ཀྱི་སེམས
4b4 ཀུན་བྱེད་རྒྱལ་པོ་དེས་ཆོས་ཐམས་ཅད་ཀྱི་སྔོན་རོལ་དུ་བྱེད་པ་པོ་ང་བྱུང་བ་འདི་གསུངས་སོ།། ཀྱེ་སེམས་དཔའ་ཆེན་པོ་ཡིད་རྣ་དབང་ལ་ཞུགས་ཤིག། རྣ་དབང་སྒྲ་ལ་རྟོགས་ཤིག། ཀྱེ་ང་ནི་ཀུན་བྱེད་རྒྱལ་པོ་སྟེ།།
4b5 ནི་ཀུན་བྱེད་བྱང་ཆུབ་སེམས།། ང་མེད་པ་ཡི་སྔོན་རོལ་ན།། ཆོས་རྣམས་འབྱུང་བའི་སྙིང་པོ་མེད།། ང་མེད་པ་ཡི་སྔོན་རོལ་ན།། ཆོས་ཀུན་བྱེད་པའི་རྒྱལ་པོ་མེད།། ང་མེད་པ་ཡི་སྔོན་རོལ་ན།། སྟོན་པ་བྱ་བ་ཡེ་ནས
4b6 མེད།། ང་མེད་པ་ཡི་སྔོན་རོལ་ན།། བསྟན་པ་བྱ་བ་ཡེ་ནས་མེད།། ང་མེད་པ་ཡི་སྔོན་རོལ་ན།། འཁོར་ཞེས་བྱ་བ་ཡེ་ནས་མེད།། སེམས་དཔའ་རྡོ་རྗེ་རྟོག་མ་སྐྱེ།། སེམས་དཔའ་ཆེན་པོ་ཁྱོད་ཉིད་ཀྱང་།། ང་ཡི་ངོ་བོ
iiif viewer powered by OpenSeadragon
