| e-texts navigator |
| Wylie |
48b1 ཏི་ཡོ་ག་རྫོགས་པ་ཆེན་པོ་ཞེས་བྱ་བ།། ཨ་ཏི་ཞེས་ནི་སྒྲ་ཡི་ཚིག་ཏུ་བསྟན།། ཨ་ནི་མ་སྐྱེས་ཆོས་ཉིད་རྣལ་དུ་བཞག། ཏི་ནི་མ་བཙལ་ལྷུན་གྱིས་འགྲུབ་པར་བསྟན།། ཡོ་ག་ཤིན་ཏུ་རྣལ་འབྱོར་རྫོགས་ཆེན་ལ།། རྒྱུ་དང་།
48b2 འབྲས་བུ་ཡོད་ཟེར་སྨྲ་བྱེད་པ།། དེ་ནི་རྫོགས་ཆེན་རྟོགས་པའི་དོན་མི་ལྡན།། དོན་དམ་ཀུན་རྫོབ་གཉིས་སུ་སྨྲ་བྱེད་ན།། སྒོ་དང་སྐུར་པ་འདེབས་པའི་ཚིག་ཡིན་ཏེ།། དེ་ཡིས་གཉིས་སུ་མེད་པ་རྟོགས་པ་མེད།། དུས
48b3 གསུམ་སངས་རྒྱས་རྣམས་ཀྱི་རྟོགས་པ་ཡང་།། གཉིས་སུ་མ་མཐོང་རྣལ་བཞག་ཉིད་དུ་འདོད།། ཅེས་གསུངས་སོ།། བྱང་ཆུབ་ཀྱི་སེམས་ཀུན་བྱེད་རྒྱལ་པོ་ལས་དགོངས་པ་རྣལ་དུ་བཞག་པའི་ལེའུ་སྟེ་རྩ་དགུ
48b4 པའོ།། །། དེ་ནས་བྱང་ཆུབ་ཀྱི་སེམས་ཀུན་བྱེད་རྒྱལ་པོ་དེས་ཉིད་ཀྱི་སྙིང་པོ་སེམས་དཔའ་རྡོ་རྗེ་ལ་སེམས་དཔའ་རྡོ་རྗེ་ཉིད་ཀྱི་རང་བཞིན་བྱ་མེད་རྫོགས་པའི་ལུང་མི་ནུས་པའི་རྒྱལ་མཚན་འདི་གསུངས
48b5 སོ།། ཀྱེ་སེམས་དཔའ་རྡོ་རྗེ་ཁྱོད་ཉོན་ཅིག། སེམས་དཔའ་རྡོ་རྗེ་ཁྱོད་ཉིད་ལ།། ཉིད་ཀྱི་རང་བཞིན་བསྟན་པར་བྱ།། ཉིད་ནི་ཀུན་བྱེད་ང་ཡིན་ཏེ།། ང་ནི་ཡེ་ནས་བྱང་ཆུབ་སེམས།། བྱང་ཆུབ་སེམས་ནི་འདི་ལྟའོ།། དེས
48b6 ན་བྱང་ཆུབ་ཀྱི་སེམས་ཀུན་བྱེད་རྒྱལ་པོ་དེས་མི་ནུབ་པའི་རྒྱལ་མཚན་ནམ་མཁའ་ཆེ་འདི་གསུངས་སོ།། རྡོ་རྗེ་སེམས་དཔའ་ནམ་མཁའ་ཆེ།། ཀུན་བཟང་ཡངས་པ་ཆོས་ཀྱི་དབྱིངས།། རྣམ་དག་ལམ་ཆེན་ཀུན་སྒྲོལ
iiif viewer powered by OpenSeadragon
