| e-texts navigator |
| Wylie |
48a1 འཇོག་པ་མ་ཤེས་ཏེ།། བགྲོད་ཅིང་སྦྱོང་ལ་བསྐལ་པ་གསུམ་དུ་གནས།། རྗེས་སུ་རྣལ་འབྱོར་སེམས་དཔས་ཟོས་འགྱུར་ན།། འདི་ལྟར་སྣང་བའི་ཆོས་རྣམས་དེ་བཞིན་ལ།། རང་སེམས་དེ་བཞིན་ཉིད་དུ
48a2 མ་རྟོགས་པར།། ཇི་བཞིན་རྣལ་དུ་འཇོག་པ་མ་ཤེས་པས།། བྱང་ཆུབ་ཡན་ལག་ཆོ་འཕྲུལ་སྣ་ཚོགས་ཀྱིས།། བྱིན་རློབས་སེམས་ལ་མི་ཚེ་བདུན་པར་གནས།། རྣལ་འབྱོར་ཆེན་པོ་རྣམས་ཀྱིས་ཟོས་འགྱུར་ན།། རྒྱུ་དང
48a3 འབྲས་བུའི་བདག་ཉིད་ཡིན་པས་ན།། ཡེ་ནས་ཡིན་ལ་གདོད་རྩོལ་སྒྲུབ་པར་བྱེད།། སྟོང་ཕྲག་གཉིས་དང་བརྒྱ་ཕྲག་དྲུག་ཏུ་ནི།། ཇི་བཞིན་རྣལ་དུ་འཇོག་པ་མ་ཤེས་ཏེ།། ཏིང་འཛིན་གསུམ་གྱི་ས་ལ་གནས་པར
48a4 བྱེད།། ཡོངས་སུ་རྣལ་འབྱོར་རྣམས་ཀྱིས་ཐོས་འགྱུར་ན།། ཡེ་ནས་ཡིན་ལ་རྒྱུ་འབྲས་མིང་བཏགས་ནས།། ཇི་བཞིན་རྣལ་དུ་འཇོག་པ་མ་ཤེས་ཏེ།། རྒྱུ་ནི་དག་པ་ཆོས་ཀྱི་དབྱིངས་སུ་གྲུབ།། འབྲས་བུ་དག་པ་ཡེ་ཤེས
48a5 དཀྱིལ་འཁོར་གྲུབ།། བར་མཆོད་ཀྱིས་མི་ཚེ་གཅིག་ཏུ་གནས།། ཤིན་ཏུ་རྣལ་འབྱོར་རྣམས་ཀྱིས་ཐོས་འགྱུར་ན།། ཡེ་ནས་སངས་རྒྱས་ས་ལ་གནས་པར་འགྱུར།། བྱ་མེད་བདེ་བ་ཆེན་པོ་འདི་ཡིས་ཐོབ།། བསྒྲུབ་པ
48a6 མེད་པར་ཡེ་ནས་སངས་རྒྱས་ཐོབ།། ལྷ་མི་སེམས་ཅན་དབང་པོ་མི་མཐུན་ཏེ།། ལ་ལ་དབང་པོ་སྦྱངས་པའི་འཕྲོ་ཅན་ཡོད།། ལ་ལ་དབང་པོ་ཡེ་ནས་ཚིག་ཆོད་ཡོད།། དེས་ན་དགོས་ཆེད་དོན་ཞེས་བསྟན་པ་ཡིན།། ཨ
iiif viewer powered by OpenSeadragon
