| e-texts navigator |
| Wylie |
47a1 ཀྱིས་ཆོས་ཉིད་འགྲུབ་མི་འགྱུར།། དེ་བཞིན་སེམས་ཉིད་འགྱུར་བ་མེད་པ་དེ།། སེམས་ཉིད་རང་གིས་སེམས་ཉིད་འགྲུབ་མི་འགྱུར།། མི་འགྱུར་སྦྱར་བར་བྱེད་པའི་ཏིང་འཛིན་ནི།། དུས་དང་སྨོན་ལམ་རེ
47a2 བ་འཇོག་པ་ཡི།། དུས་ལ་ལྟོས་པས་ཏིང་འཛིན་ཚེ་ཆད་འགྱུར།། ཀུན་བྱེད་ང་ཡིས་ངེས་ལུང་བསྟན་པ་མེད།། ཅེས་གསུངས་སོ།། བྱང་ཆུབ་ཀྱི་སེམས་ཀུན་བྱེད་རྒྱལ་པོ་ལས་བྱ་མེད་རྫོགས་པ་འགྱུར་མེད་བཙལ་མི་རྙེད
47a3 པའི་ལེའུ་སྟེ་རྩ་བརྒྱད་པའོ།། །། དེ་ནས་བྱང་ཆུབ་ཀྱི་སེམས་ཀུན་བྱེད་རྒྱལ་པོ་དེས་སེམས་རྣལ་དུ་བཞག་པ་འདི་གསུངས་སོ།། ཀྱེ་སེམས་དཔའ་ཆེན་པོ་ཉོན་ཅིག། ང་ནི་ཀུན་བྱེད་བྱང་ཆུབ་སེམས།། ཆོས
47a4 རྣམས་ཐམས་ཅད་ང་ཡིན་ཏེ།། ང་ཡི་རང་བཞིན་ཐམས་ཅད་ནི།། ཡེ་ནས་རྣལ་དུ་བཞག་པ་ཡིན།། ང་ཡི་རང་བཞིན་བསྟན་པ་ནི།། རྣམ་པ་ལྔ་རུ་ཤེས་པར་བྱ།། སྟོན་པ་བསྟན་པ་འཁོར་གནས་དུས།། རྣམ་ལྔ་རང
47a5 བཞིན་རྣལ་དུ་བཞག། སྟོན་པའི་རང་བཞིན་འདི་ལྟར་བཞག། ཆོས་སྐུ་མ་བཅོས་རྣལ་དུ་བཞག། རང་ངའི་རང་བཞིན་དེ་བཞག་ཡིན།། ལོངས་སྤྱོད་མ་བཅོས་ངོ་བོ་བཞག། ང་ཡི་རང་བཞིན་བཞག་པ་ཡིན།། སྤྲུལ་པ
47a6 མ་བཅོས་ཐུགས་རྗེ་བཞག། ང་ཡི་རང་བཞིན་བཞག་པ་སྟེ།། རང་འབྱུང་ཡེ་ཤེས་བཞག་པ་ཡིན།། གནས་ནི་གང་ན་གནས་པའི་གནས།། དེ་ཡང་རྣལ་དུ་བཞག་པ་ཡིན།། དུས་ནི་སྔ་ཕྱི་གང་ཚོགས་དུས།། རྣལ་བཞག།
iiif viewer powered by OpenSeadragon
