| e-texts navigator |
| Wylie |
46a1 ཡི་ཡེ་ཤེས་ནམ་མཁའ་གྱུར་པ་མེད།། ང་ཡི་ཆོས་ཉིད་རང་བཞིན་འགྱུར་བ་མེད།། ང་སེམས་ཆོས་ཀྱི་སྙིང་པོ་འགྱུར་བ་མེད།། དེ་བཞིན་ཐམས་ཅད་འགྱུར་བ་མེད་པ་ལ།། ང་ལས་བྱུང་བའི་སྟོན་པ་སྐུ
46a2 གསུམ་གྱིས།། རྒྱུ་དང་འབྲས་བུར་ཆོས་ལ་མིང་བཏགས་ནས།། སྤྲུལ་པས་ལུང་བསྟན་དབང་པོ་ཡུལ་སྤོང་འགྱུར།། རང་རྐྱེན་ཆོས་ལྔ་འཆང་བའི་སེམས་ཅན་ལ།། རང་འབྱུང་ཆོས་ཉིད་ཡིན་པར་ལུང་མ་བསྟན།། ངན
46a3 འགྲོ་སྡིག་སྒྲིབ་ཆེ་ཞེས་ལུང་བསྟན་ནས།། ལུས་ངག་ཡིད་གསུམ་སྡིག་སྤོང་དགེ་བཅུ་སྤྱོད།། རང་འབྱུང་ཆོས་ལ་བླང་དོར་སྤྱད་པའི་ཕྱིར།། རང་འབྱུང་ཡེ་ཤེས་བསྐལ་མང་ཕྲད་མི་འགྱུར།། ཀྱེ་སེམས་དཔའ་ཆེན་པོ་ཉོན
46a4 ཅིག། སྤྲུལ་པ་རང་ལས་འདུས་པའི་འཁོར་ཚོགས་ལ།། རང་འབྱུང་ཡེ་ཤེས་ལྔ་ཡི་ཆོས་སྤངས་ལ།། ཡེ་ཤེས་ལྔ་སྤོང་དགྲ་ལྔ་ཆོམས་ལུང་བསྟན།། དགྲ་ལྔ་རང་འབྱུང་ཡེ་ཤེས་མ་རྟོགས་ཏེ།། རང་སེམས་སྤོང་འགྱུར་ང
46a5 ཡིས་ལུང་མ་བསྟན།། ཀྱེ་སེམས་དཔའ་ཆེན་པོ་ཉོན་ཅིག། རང་གི་སེམས་ལས་བྱུང་བའི་ཆོས་ཉིད་ལ།། དོན་དམ་ཀུན་རྫོབ་བདེན་པ་རྣམ་གཉིས་ཀྱིས།། སྦྱངས་ནས་རྒྱུ་ལས་འབྲས་བུ་འབྱུང་ཟེར་ནས།། བསྐལ་པ
46a6 གསུམ་གྱི་བར་དུ་སྤྱོད་བྱེད་པ།། སྡོམ་དང་ཕ་རོལ་ཕྱིན་བཅུས་རང་མི་འགྱུར།། སེམས་ཉིད་འགྱུར་བར་ང་ཡིས་ལུང་མ་བསྟན།། ཀྱེ་སེམས་དཔའ་ཆེན་པོ་ཉོན་ཅིག། རང་སེམས་ཆོས་ཉིད་ཏིང་འཛིན་བྱིན་བརླབས
iiif viewer powered by OpenSeadragon
