| e-texts navigator |
| Wylie |
45a1 ཀྱང་སྤོང་མི་བྱེད།། ལོ་རྒྱུས་དོན་གཉིས་ཚད་མའི་བློར་བཞག་ནས།། ཏིང་འཛིན་གསུམ་པོ་བརྟན་ནས་གྲུབ་པའི་མཐའ་སྤྱོད་པ།། རྩོད་བྲལ་ལུང་ལས་གོལ་ཞེས་འཁྲུལ་པ་ཡིན།། བྱ་བྲལ་ལྷུན་རྫོགས
45a2 བདེ་བའི་ལྷུན་ལ་གནས།། ཡེ་ཤེས་རང་འབྱུང་ཆེ་བའི་སྙིང་པོ་ཉིད།། མི་གཡོ་མི་འགྱུར་བསྙད་པ་ཀུན་དང་བྲལ།། ཟིན་པའི་བདུད་རྩིས་རྩོལ་བའི་སྡུག་བསྔལ་འཇོམས།། བྱ་བྲལ་ཟིན་པའི་ཡུལ་ལ་ཇི་བཞིན
45a3 གནས།། ཀྱེ་སེམས་དཔའ་ཆེན་པོ་ཉོན་ཅིག། ཆོས་རྣམས་ཐམས་ཅད་ཐིག་ལེ་ཆེན་པོའི་རང་བཞིན་ཡིན་པས་ན།། སྤྲོས་པ་མེད་ཅིང་བསྡུས་པ་མེད།། སྐྱེ་བ་མེད་ཅིང་འགག་པ་མེད།། འགོག་པ་མེད་པར་དེ་བཞིན
45a4 གནས།། རྣམ་པར་མི་རྟོག་སྙིང་པོ་འདི།། ནམ་མཁའ་བཞིན་དུ་ཡེ་གནས་པས།། རྟོག་པའི་སྒྲ་བསམ་ཡུལ་ལས་འདས།། ཞེས་གསུངས་སོ།། བྱང་ཆུབ་ཀྱི་སེམས་ཀུན་བྱེད་རྒྱལ་པོ་ལས་བྱ་མེད་རྫོགས་པ་བསྒོམ་དུ
45a5 མེད་པའི་ལེའུ་སྟེ་རྩ་དྲུག་པའོ།། །། དེ་ནས་བྱང་ཆུབ་ཀྱི་སེམས་ཀུན་བྱེད་རྒྱལ་པོ་དེས་ཉིད་ཀྱི་གདམས་ངག་ཕོག་པ་དང་མཐུན་པའི་ལུང་ཆེན་པོ་རིམ་གྱིས་བསྟན་ཏེ།། ཀྱེ་སེམས་དཔའ་ཆེན་པོ་ཉོན
45a6 ཅིག། ཆོས་རྣམས་ཐམས་ཅད་ང་ལས་བྱུང་བ་ན།། ཇི་ལྟར་སྣང་བའི་ཆོས་རྣམས་ཐམས་ཅད་ཀུན།། ཡེ་ནས་རྣམ་དག་དབྱིངས་ཀྱི་ལུང་དུ་བསྟན།། ཕྱི་དང་ནང་ཀུན་ཡེ་ནས་ཆོས་ཀྱི་དབྱིངས།། ཡེ་ནས་རྣམ་པར་དག
iiif viewer powered by OpenSeadragon
