| e-texts navigator |
| Wylie |
43b1 ཅན་ཐམས་ཅད་ཀྱིས།། དེ་རྟོགས་སངས་རྒྱས་ཀུན་དང་མཉམ།། རྩོལ་བའི་ཆོས་ནི་མ་བཙལ་གྲུབ།། བྱང་ཆུབ་སེམས་ཀྱི་ཡེ་ཤེས་དེས།། སྟོན་པ་མེ་ཡི་སྐུར་བྱུང་ནས།། ཚིག་དང་ཡི་གེས་མི་སྟོན་ཏེ།། རང་གི་ངོ་བོས
43b2 ཆོས་སྟོན་པ།། བདག་ཏུ་མི་རྟོག་གཞན་མི་རྟོག། མི་རྟོག་མཉམ་པའི་དགོངས་པ་སྟོན། ཁམས་གསུམ་སེམས་ཅན་ཐམས་ཅད་ཀྱིས།། དེ་རྟོགས་སངས་རྒྱས་ཀུན་དང་མཉམ།། རྩོལ་བའི་ཆོས་ཉིད་མ་བཙལ
43b3 གྲུབ།། བྱང་ཆུབ་སེམས་ཀྱི་ཡེ་ཤེས་དེས།། སྟོན་པ་རླུང་གི་སྐུར་བྱུང་ནས།། ཚིག་དང་ཡི་གེས་མི་སྟོན་པར།། རང་གི་ངོ་བོས་ཆོས་སྟོན་པ།། བདག་གཞན་གཉིས་སུ་མི་རྟོག་པར།། མི་རྟོག་མཉམ་པའི་དགོངས་པ་སྟོན།།
43b4 ཁམས་གསུམ་སེམས་ཅན་ཐམས་ཅད་ཀྱིས།། དེ་རྟོགས་སངས་རྒྱས་ཀུན་དང་མཉམ།། རྩོལ་བའི་ཆོས་ནི་མ་བཙལ་གྲུབ།། བྱང་ཆུབ་སེམས་ཀྱི་ཡེ་ཤེས་དེས།། སྟོན་པ་ནམ་མཁའི་སྐུར་བྱུང་ནས།། ཚིག་དང་ཡི་གེས
43b5 མི་སྟོན་ཏེ།། རང་གི་ངོ་བོས་ཆོས་སྟོན་པ།། བདག་གཞན་གཉིས་སུ་མི་རྟོག་པར།། མི་འབྱེད་པ་ཡི་དགོངས་པ་སྟོན། ཁམས་གསུམ་སེམས་ཅན་ཐམས་ཅད་ཀྱིས།། མངོན་ཕྱུང་སྟོན་པ་དེ་རྣམས་ཀྱིས།། རང་གི་ངོ་བོས
43b6 ཆོས་འཆད་པ།། འདི་ཡིས་ཀུན་ཀྱང་རིག་པར་གྱིས།། ཀྱེ་ཁམས་གསུམ་སེམས་ཅན་ཐམས་ཅད་ཀུན།། ཀུན་བྱེད་རྒྱལ་པོ་ང་ཡིས་ནི། ཁྱེད་རྣམས་ང་ཡིས་བྱས་པའི་ཕྱིར།། ང་ཡི་སྲས་ཡིན་ང་དང་མཉམ།། ང་དང་མི
iiif viewer powered by OpenSeadragon
