| e-texts navigator |
| Wylie |
43a1 གསུམ་སེམས་ཅན་ཐམས་ཅད་ཀུན།། རང་གི་བྱང་ཆུབ་སེམས་དེ་ནི།། སྟོན་པ་ཡིན་པར་མངོན་བསྟན་ན།། བསྐལ་པ་བརྒྱ་ཕྲག་སྟོང་དུ་ནི།། རང་སེམས་སྟོན་པར་མ་མཐོང་བས།། ཀུན་བྱེད་རྒྱལ་པོ
43a2 ཡིས་ནི།། རང་སེམས་སྟོན་པ་མངོན་ཕྱུང་བས།། རང་སེམས་སྟོན་པའི་ཆོས་ཉོན་ཅིག། ཀུན་བྱེད་རྒྱལ་པོ་ང་ཡིས་ནི།། ཀུན་རྒྱུ་བྱང་ཆུབ་སེམས་ལས་ནི།། སེམས་ཀྱི་ངོ་བོ་འབྱུང་ཆེན་ལྔ།། སྟོན་པ་བྱང་ཆུབ་སེམས་ལྔ
43a3 ཕྱུང་།། སྐུ་ནི་ལོངས་སྤྱོད་རྫོགས་པའི་སྐུ།། ཆོས་ནི་རང་གི་ངོ་བོས་འཆད།། སྟོན་ནི་རང་གི་རང་བཞིན་སྟོན།། སྟོན་པ་ལོངས་སྤྱོད་རྫོགས་སྐུ་དེ།། དགོངས་པ་ཉིད་ལ་ཉིད་མི་རྟོག། ཡུལ་ཆོས་གཞན་ལའང་རྟོག་མི
43a4 བྱེད།། བྱང་ཆུབ་སེམས་ཀྱི་སྟོན་པ་ལྔས།། ཀུན་ཀྱང་ཆོས་ཉིད་དེ་བཞིན་སྟོན།། བྱང་ཆུབ་སེམས་ཀྱི་ཡེ་ཤེས་དེས།། སྟོན་པ་ས་ཡི་སྐུར་བྱུང་ནས།། ཚིག་དང་ཡི་གེས་མི་སྟོན་ཏེ།། རང་གི་རང་བཞིན་སྟོན་བྱེད་པ།།
43a5 བདག་ཏུ་མི་རྟོག་གཞན་མི་རྟོག། མི་རྟོག་མཉམ་པའི་དགོངས་པ་སྟོན། ཁམས་གསུམ་སེམས་ཅན་ཐམས་ཅད་ཀྱིས།། དེ་རྟོགས་སངས་རྒྱས་ཀུན་དང་མཉམ།། རྩོལ་བའི་ཆོས་ཉིད་མ་བཙལ་འགྲུབ།། བྱང་ཆུབ
43a6 སེམས་ཀྱི་ཡེ་ཤེས་དེས།། སྟོན་པ་ཆུ་ཡི་སྐུར་བྱུང་ནས།། ཚིག་དང་ཡི་གེས་མི་སྟོན་ཏེ།། རང་གི་ངོ་བོས་སྟོན་བྱེད་པ།། བདག་ཏུ་མི་རྟོག་གཞན་མི་རྟོག། མི་རྟོག་མཉམ་པའི་དགོངས་པ་སྟོན། ཁམས་གསུམ་སེམས
iiif viewer powered by OpenSeadragon
