| e-texts navigator |
| Wylie |
41b1 ཅིང་བསྡུ་བ་མེད།། སྟོར་བར་མི་དོགས་བཟའ་བ་མེད།། རྒྱ་མཚོ་བཞིན་དུ་ཡེ་གནས་ལ།། ཆོས་རྣམས་སྣ་ཚོགས་འབྱུང་བར་བྱེད།། ཡོན་ཏན་ནམ་མཁའི་མཐའ་དང་མཉམ།། བསྡུ་བའི་གནས་སུ་ངེས་པ་མེད།། བྱང
41b2 ཆུབ་སྙིང་པོར་དེ་མ་ཟག། ཏིང་འཛིན་རྒྱལ་པོ་ཆེན་པོ་འབྱུང་།། སྣང་བ་རྒྱ་མཚོ་ཆེན་པོ་བཞིན།། མི་རྟོག་ནམ་མཁའི་མཐའ་ལྟར་ཡངས།། ཀུན་ཏུ་བཟང་པོའི་སྤྱོད་ཡུལ་ལ།། སྐྱེ་ཞིང་འཕོ་བའི་ཆོས་མེད་དེ།། རྒྱུ་རྐྱེན
41b3 ཡན་ལག་བཅུ་གཉིས་པོ།། སྐུར་པས་བརྟགས་པས་བཤད་པ་ཡིན།། འཁྲུལ་པ་རྣམས་ཀྱི་སྒོ་ཙམ་དུ།། མཁས་པས་དེ་བཞིན་ཤེས་པར་གྱིས།། འགྲོ་བ་རྒྱུད་དྲུག་སྣང་བ་ཡང་།། དང་པོའི་ལམ་དུ་ཤེས་པར
41b4 བྱ།། འདོད་སྤྱོད་སྙིང་རྗེས་བརླན་པས་ན།། གང་དུ་དགའ་བར་བྱང་ཆུབ་སྤྱོད།། ཤན་པ་སྨད་འཚོང་མཚམས་མེད་ལྔ།། ཁ་ན་མ་ཐོ་འཇིག་རྟེན་སྤོང་།། ཡོངས་སུ་རྫོགས་པ་ཆོས་ཀྱི་རྩིས།། བདེ་བ་ཆེ་ལས་གཞན་མེད
41b5 དོ།། ཡང་ཆོས་ཐམས་ཅད་དེ་བས་ན།། ཆོས་ཀྱི་རང་བཞིན་དེ་ཡིན་པས།། ཆོས་ཀྱིས་ཆོས་ཉིད་བཙལ་བ་དང་།། ནམ་མཁས་ནམ་མཁའ་བཙལ་བ་དང་།། གཞན་ལ་ལྟོས་པའི་ཆོས་ཉིད་ནི།། མེ་ཡིས་མེ་གསོད་པ་འདྲ
41b6 སྟེ།། ཤིན་ཏུ་དཀའ་བའི་ལས་བྱེད་པའོ།། རྣམ་པར་མི་རྟོག་སྙིང་པོ་འདི།། ཡོངས་ཀྱི་རྒྱུད་ལ་སྦས་པ་མེད།། མི་ལེན་བྱང་ཆུབ་སྤྱོད་རྣམས་ལ།། རྣམ་པ་ཀུན་ཏུ་རང་བཞིན་གནས།། ཞེས་གསུངས་སོ།། བྱ་མེད་རྫོགས
iiif viewer powered by OpenSeadragon
