| e-texts navigator |
| Wylie |
39b1 མཐོང་རྩོལ་སྒྲུབ་བྱེད།། དེས་ན་བརྗོད་མེད་ཚིག་གི་དོན་ཡང་བཤད།། དེས་ན་གཏན་ཚིགས་དོན་གྱི་བཤད་ལུགས་ལྔས།། ཀུན་བྱེད་རྒྱལ་པོ་བྱང་ཆུབ་སེམས་ཀྱི་དོན།། མ་ནོར་ངེས་པར་གཏན་ལ་འབེབས་པར
39b2 བྱེད།། རྒྱུ་འབྲས་མེད་པར་གཏན་ལ་ཕབ་པ་ཡིན།། ཐམས་ཅད་བྱང་ཆུབ་སེམས་ཡིན་ཡིད་ཀྱང་ཆེས།། བྱང་ཆུབ་སེམས་ཡིན་ཡེ་ནས་ཡིད་ཆེས་པས།། སེམས་ལ་བཙལ་བ་མེད་པར་ཡིད་ཀྱང་ཆེས།། བཙལ་དུ་ཡེ་ནས
39b3 མེད་པར་ཡིད་ཆེས་པས།། མི་རྩོལ་བདེ་བ་ཆེན་པོའི་ངང་ལ་གནས།། ཀུན་བྱེད་ང་ཡི་རང་བཞིན་དེ་ལྟར་གནས།། ཀུན་བྱེད་ང་ལས་སངས་རྒྱས་གཞན་མེད་དོ།། ཞེས་གསུངས་སོ།། བྱང་ཆུབ་ཀྱི་སེམས་ཀུན་བྱེད་རྒྱལ
39b4 པོ་ལས་གཏན་ཚིགས་བཤད་ལུགས་ཀྱི་ལེའུ་སྟེ་ཉི་ཤུ་རྩ་གཅིག་པའོ།། །། དེ་ནས་བྱང་ཆུབ་ཀྱི་སེམས་ཀུན་བྱེད་རྒྱལ་པོ་དེས་སེམས་རྣལ་དུ་གཞག་པའི་ཕྱིར་བྱ་མེད་རྫོགས་པའི་ལུང་ཁུངས་ཆེན་པོ་འདི
39b5 གསུངས་སོ།། ཀྱེ་སེམས་དཔའ་ཆེན་པོ་རྡོ་རྗེ་ཁྱོད་ཉོན་ཅིག། ཀྱེ་བྱ་མེད་ཡུལ་ནི་མི་གནས་ནམ་མཁའ་འདྲ།། མི་གནས་དམིགས་པའི་ཡུལ་མེད་མི་རྟོག་ཆོས་ཀྱི་ལམ།། བསྔོ་བའི་ཆ་ཤས་ཕྲ་མོའི་ཡུལ་ལ་བྱུང་བ
39b6 སྟེ།། རྟོག་སྒོམ་ཆོས་ཀྱི་སྐུ་ནི་ཁྱད་པར་དོན་མེད་པས།། རང་འབྱུང་ཡེ་ཤེས་མི་རྟོག་ཀུན་ཏུ་ཇི་བཞིན་གནས།། བྱ་བྲལ་ཡུལ་ལ་མི་གནས་གཉེན་པོས་བཅོས་སུ་མེད།། ཡན་ལག་ཆོས་ཀྱི་དབང་གིས་སྙིང་པོའི་ཡུལ་ཚོལ
iiif viewer powered by OpenSeadragon
