| e-texts navigator |
| Wylie |
38a1 ལས།། སྐུ་གསུམ་གཡོས་པ་མེད་པ་བཞིན།། སྐུ་གསུམ་བསྟན་པའི་ཆོས་རྣམས་དང་།། སྐུ་གསུམ་འདུས་པའི་འཁོར་རྣམས་དང་།། ཆོས་རྣམས་ཀུན་ལའང་གཡོས་པ་མེད།། མ་གཡོས་པ་ཡི་ཆོས་ཉིད
38a2 ལ།། རྒྱུ་དང་འབྲས་བུར་བཏགས་བྱས་ནས།། རྩོལ་དང་བསྒྲུབ་པ་བྱས་ནས་ནི།། རྒྱུ་ལས་འབྲས་བུ་འབྱུང་འདོད་པ།། ཀུན་བྱེད་ང་ལས་བྱས་པ་ཡི།། རྒྱུ་འབྲས་འདས་ལས་གོལ་བ་ཡིན།། ཞེས་གསུངས་སོ།། ཀྱེ
38a3 སེམས་དཔའ་ཆེན་པོ་ཁྱོད་ཉོན་ཅིག། ང་ལས་བྱུང་བའི་སྐུ་གསུམ་སྟོན་པ་དང་།། ང་ལས་བྱུང་བའི་དུས་གསུམ་སངས་རྒྱས་དང་།། ང་ལས་བྱུང་བའི་འཁོར་གནས་དུས་ལ་སོགས།། ཀུན་ཀྱང་ང་ཡི་བྱང་ཆུབ་སེམས
38a4 ཡིན་ན།། སེམས་དཔའ་རྡོ་རྗེ་དེ་ལ་རྟོག་མི་རྟོག། སེམས་དཔའ་རྡོ་རྗེ་དེ་ལ་མ་རྟོག་ཅིག། ང་ནི་ཡེ་ནས་ཀུན་བྱེད་རྒྱལ་པོ་བྱང་ཆུབ་སེམས།། ང་ཡིས་བྱས་པ་ཀུན་ཀྱང་བྱང་ཆུབ་སེམས།། ང་ཡི་རང་བཞིན་ཡེ་ནས་རྣམ
38a5 དག་བྱང་།། ང་ཡིས་ཀུན་ལ་ཁྱབ་པ་ཡེ་ནས་ཆུབ།། ང་ཡིས་རང་བཞིན་གསལ་བས་ཡེ་ནས་སེམས།། ང་ནི་ནམ་མཁའ་ལྟ་བུའི་རང་བཞིན་གྱིས།། ཡེ་ནས་ཡིན་པའི་བྱང་ཆུབ་སེམས་ཀྱིས་ནི།། འཇིག་རྟེན་སྒྱུ་མར་སྣང
38a6 བའི་ཆོས་བཞིན་དུ།། སྐུ་གསུམ་སྟོན་པ་དུས་གསུམ་སངས་རྒྱས་རྣམས།། བུ་དང་ཚ་བོ་འཁོར་གྱི་ཚུལ་བྱུང་ནས།། མ་ནོར་བདེན་པའི་གདམས་ངག་འབོགས་པ་བཞིན།། བྱང་ཆུབ་སེམས་ནི་ནམ་མཁའ་བཞིན་བསྟན
iiif viewer powered by OpenSeadragon
