| e-texts navigator |
| Wylie |
37a1 རྫོགས།། ང་ཡི་ཐུགས་རྗེ་མངོན་ཕྱུང་སྦྲུལ་སྐུ་གསུམ།། བཙལ་ནས་གྲུབ་པའི་འབྲས་བུ་བསྟན་པ་མེད།། ཅེས་གསུངས་སོ།། ཀྱེ་སེམས་དཔའ་ཆེན་པོ་ཉོན་ཅིག། སྐུ་གསུམ་ཀུན་བྱེད་པ་རུ་འདུས་པ
37a2 སྟེ།། ཇི་ལྟར་སྣང་བའི་ཆོས་རྣམས་ཐམས་ཅད་ཀུན།། རང་བཞིན་ངོ་བོ་ཐུགས་རྗེས་མ་བཅོས་གསུམ།། སྐུ་གསུམ་ང་ཡི་དེ་བཞིན་ཉིད་དུ་བསྟན།། ང་དང་ང་ཡི་དེ་བཞིན་ཉིད་ལས་ནི།། སངས་རྒྱས་ཞེས་བྱའི་ཡོན་ཏན
37a3 སྒྲོསྨོས་ཀྱང་མེད།། སེམས་ཅན་ཞེས་བྱའི་སྐྱོན་གྱི་རྣམ་པ་མེད།། མི་རྟོག་མཉམ་པ་ཉིད་དུ་དེ་བཞིན་གནས།། འདི་ལས་མ་གཏོགས་པ་ནི་གཞན་མེད་པས།། སངས་རྒྱས་རྣམས་ཀྱིས་འདི་ལས་ལྷག་པ་ཡི།། ཀུན་བྱེད་ང
37a4 ལ་ངེས་ལུང་མནོས་པ་མེད།། བྱེད་མཁན་ཀུན་བྱེད་རྒྱལ་པོ་ང་ཡིས་ཀྱང་།། མི་རྟོག་མཉམ་ཉིད་དེ་བཞིན་ཉིད་འདི་ལས།། ཉིད་ལ་ཉིད་ཀྱིས་བསྟན་པ་རྡུལ་ཙམ་མེད།། ཅེས་གསུངས་སོ།། བྱང་ཆུབ་ཀྱི་སེམས་ཀུན
37a5 བྱེད་རྒྱལ་པོ་ལས་མ་བཙལ་ལྷུན་གྱིས་གྲུབ་པའི་ལེའུ་སྟེ་བཅུ་དགུ་པའོ།། །། དེ་ནས་བྱང་ཆུབ་ཀྱི་སེམས་ཀུན་བྱེད་རྒྱལ་པོ་དེས་ཆོས་ཐམས་ཅད་ཀྱི་བྱུང་ཁུངས་ཉིད་ལས་བྱུང་བ་འདི་གསུངས་སོ།། ཀྱེ་ཆོས
37a6 ཀུན་སྡུད་པའི་རྡོ་རྗེ་ཉོན།། ཀུན་བྱེད་རྒྱལ་པོ་བྱང་ཆུབ་སེམས།། ང་ནི་ཆོས་ཀུན་སྙིང་པོ་སྟེ།། ང་ནི་ཆོས་ཀུན་ས་བོན་ཡིན།། ང་ནི་ཆོས་ཀུན་རྒྱུ་ཡང་ཡིན།། ང་ནི་ཆོས་ཀུན་སྡོང་པོ་སྟེ།། ང་ནི་ཆོས་ཀྱི་གཞི་མ་ཡིན།། ང་ནི
iiif viewer powered by OpenSeadragon
