| e-texts navigator |
| Wylie |
376b1 དབྱིངས།། སྐྱེ་མེད་མི་སྐྱེ་ཅིར་མི་དགོངས།། ཚིག་ཏུ་བརྗོད་པ་རྡུལ་ལས་འདས།། བྱང་ཆུབ་ཉིད་ནི་དེ་བྱང་ཆུབ།། ཡེ་སངས་རྒྱས་པའི་དེ་བཞིན་ནོ།། སེམས་ཞེས་བྱ་བ་གཟུགས་མེད་ལ།། ཤེས་པ་ཡོད་པ་ཉིད་ཡིན
376b2 ཏེ།། སེམས་ལ་ཤེས་པ་ཡོད་པ་ཡིན།། ཆོས་ལ་གཟུགས་ནི་མེད་པ་སྟེ།། ཤེས་པ་མི་ཤེས་མེད་པར་གསུངས།། བྱང་ཆུབ་ཐིག་ལེ་ཉིད་མེད་འབྲེལ།། རང་རིག་ཡེ་ཤེས་ཉིད་དབྱིངས་ནི།། ཡིན་དང་མ་ཡིན་མི་རྟོག
376b3 པས།། ཐམས་ཅད་ཡེ་ཤེས་སྙིང་པོ་ཉིད།། སྡིག་ཏུ་མཐོང་བ་མེད་པས་ན།། ཐམས་ཅད་བསད་པ་བྱང་ཆུབ་སྐུ།། ཐམས་ཅད་ཆོས་ནི་མི་སྐྱེ་ཞིང་།། ཐམས་ཅད་གང་ལའང་མི་སྐྱེ་ཞིང་།། གང་ལའང་མི་འགོག་མི་བཙལ
376b4 ཏེ།། ཅི་བྱེད་གཡོ་བར་མ་མཐོང་ན།། སྤྱོད་པ་སྤྲད་པ་ཡོངས་མི་དགོས།། ཅི་སྤྱད་པ་ནི་བྱང་ཆུབ་ཉིད།། སངས་རྒྱས་ཐིག་ལེ་ཡངས་པའི་སྤྱན།། བྱང་ཆུབ་ཀྱི་སེམས་འཁོར་ལོ་རྡོ་རྗེ་ལས། སྒོ་སྣ་ཚོགས་གླེང་གཞིའི་ལེའུ
376b5 སྟེ་གཉིས་པའོ།། །། དེ་ནས་བཅོམ་ལྡན་འདས་རྡོ་རྗེ་ཀུན་ཏུ་བཟང་པོས།། ཤིན་ཏུ་རྔམ་པའི་ཚིག་གསང་བ།། མི་འབྱུང་མི་འཇུག་པ་ཡི་སེམས།། རྡོ་རྗེ་ཁྲག་འཐུང་རྔམས་པའི་ཞལ།། ཡང་དག་པ་ཡི་ཆོས་ལམ
376b6 དྲངས།། ཕོ་མོ་ཁྱིམ་པ་ལ་སོགས་དང་།། ཕ་རོལ་ཕྱིན་བཅུ་མི་འབྱེད་པ།། ཚུལ་ཁྲིམས་མེད་པའི་ཚུལ་ཁྲིམས་མཆོག། ནམ་མཁའ་སྟོང་པ་སེམས་ཡོད་ན།། ཆོས་རྣམས་སྐྱེ་འགག་མེད་པ་ཡིན།། བྱང་ཆུབ་ཉིད་ཀྱང་སྐྱེ
iiif viewer powered by OpenSeadragon
