| e-texts navigator |
| Wylie |
376a1 གཟུགས་སྒྲ་དྲི་རོ་རྡུལ་སྣ་ཚོགས།། རང་གི་སེམས་ཉིད་ལས་སྣང་བར།། ཚོར་ཞིང་ཤེས་ན་མི་བདེན་པའི།། འདུ་ཤེས་འདུ་ཤེས་མི་སྐྱེའོ།། མི་བདེན་འདུ་ཤེས་མ་སྐྱེས་ན།། དེ་ཉིད་དེ་བཞིན་གཤེགས
376a2 པའི་མཛོད།། ངོ་བོ་ཉིད་ཀྱི་ཆོས་ཉིད་ལ།། ཡང་དག་ཉིད་ཀྱང་སྐྱེ་མེད་ཅིང་།། མིང་དང་མཚན་མ་མ་སྐྱེས་པ།། དེ་ཉིད་དེ་བཞིན་ཉིད་ཅེས་གསུངས།། སྐྱེ་མེད་ཡང་དག་ཉིད་མཁྱེན་ནས།། མི་བདེན་པ་ཡི་ཆོས་སྣ
376a3 ཚོགས།། མིང་དང་མཚན་མ་ཚིགས་བཅད་དང་།། བྲལ་བ་ཡང་དག་ཡེ་ཤེས་སྣོད།། དོན་དམ་པ་ཡི་བདེན་པ་ཉིད།། རྣམ་པར་ཤེས་པ་མི་གཡོ་ཞིང་།། སེམས་ཀྱི་རྒྱུན་གྱིས་སྐྱེ་བ་མེད།། ཡེ་ཤེས་དབྱིངས་ཀྱི་ཟག་པ
376a4 ཆད།། རྡོ་རྗེ་ཕུར་པ་མི་འགུལ་ན།། ཐེག་པ་ཆེན་པོ་ཀུན་གྱི་རྒྱུ།། མི་བདེན་པ་ན་མཚན་སྣ་ཚོགས།། མི་བདེན་ཆོས་རྣམས་སྐྱེ་མེད་ན།། མཚན་མའི་ཚོགས་དང་འབྲེལ་པ་བས།། མི་བདེན་རྒྱུན་ནི་བཅད་དུ
376a5 མེད།། སེམས་ལ་སེམས་ནི་མེད་མཁྱེན་ན།། སེམས་ཞེས་བྱ་བར་གཅད་དུ་མེད།། དེ་ནི་རང་བྱུང་ཡེ་ཤེས་ཉིད།། རྣམ་ཤེས་ཡུལ་ལ་མི་སྐྱེ་བ།། རྣམ་པར་རྟོག་པ་མེད་པ་སྟེ།། ཆོས་ཀྱི་མིག་ནི་པདྨའི་སྤྱན།། སེམས་ལ
376a6 སེམས་མེད་པར་ཤེས་ཤིང་།། ཆོས་ལ་ཆོས་མེད་པར་ཤེས་ཏེ།། མིང་དང་གཟུགས་སྒྲ་ཆོས་ཚོགས་པ།། དེ་བཞིན་གཤེགས་པ་སངས་རྒྱས་སྤྱོད།། རྡོ་རྗེ་ང་རྒྱལ་ཐིག་ལེའི་འདོར།། ཟབ་མོ་ཡངས་པ་ཆོས་ཀྱི
iiif viewer powered by OpenSeadragon
