| e-texts navigator |
| Wylie |
375b1 བའོ།། སྨན་ཉིད་འཆི་མེད་བྱང་ཆུབ་ཏུ།། ཕྱོགས་སུ་འཁྱམས་པ་རྡོ་རྗེར་འབྲེལ།། ཕྱོགས་ཀྱི་འབྲེལ་པ་མེད་པ་ནི།། སྐྱེ་བ་མི་སྐྱེ་སྐྱེ་བས་སྐྱེ།། ས་མ་ཡ་ན་ཨ་དང་ཏའོ།། བླུན་པོའི་ཡེ་ཤེས་གཏི་མུག་དང་།། སྟོང་པའི
375b2 སེམས་ཉིད་སྐྱེ་མེད་ཅིང་།། སེམས་ཉིད་སྟོང་པ་སྐྱེ་མེད་པ།། བྱང་ཆུབ་རྡོ་རྗེ་སངས་རྒྱས་ཏེ།། ཡེ་ཤེས་ཐིག་ལེ་དྲང་པོའི་ལམ།། བླང་བྱ་ལྷ་མོ་འཁྲིལ་མའི་སྒྲ།། ལེན་པ་ཟ་བྱེད་རྡོ་རྗེའི་དྲི།། ཁྲག་འཐུང་རྡོ་རྗེས་དུས
375b3 མེད་རྔུབ།། ཟིན་པ་བརྟན་པས་ཡབ་ཡུམ་འཁྲིལ།། དོན་ཆེན་རྒྱལ་བར་གྱུར་པ་ན།། རྡོ་རྗེ་རྒྱལ་པོ་ལྷ་མོར་རོལ།། རྡོ་རྗེ་རྩེན་པ་བདེ་བའི་རྒྱ།། དེ་བཞིན་ཉིད་ཀྱི་ངང་ལ་རོལ།། ཀུན་ཏུ་བཟང་པོ་རང་བྱུང
375b4 དབྱིངས།། ཐིག་ལེ་གཅིག་པས་བསླད་པ་མེད།། ཤེས་རབ་ཡུལ་མེད་ཤེས་རབ་སྐུ།། རྡོ་རྗེ་དྲི་རོ་སྒྲ་མེད་སྒྲ།། རང་བྱུང་རྡོ་རྗེ་དབྱིག་གི་ལྷ།། དམ་པས་མིང་དང་མཚན་མ་མེད།། མྱ་ངན་འདས་པ་ཟག་ཉིད་པ།། སེམས
375b5 ཀྱི་དམིགས་པ་བསྡུས་མ་ཡིན།། ཡང་དག་ཉིད་ཀྱང་མི་མངའ་བས།། ངག་གི་བཤད་པ་རྡུལ་ཙམ་མེད།། གཡོས་ཏེ་མཚན་མ་བྱུང་བ་ན།། མཚན་མའི་རྒྱུ་ལས་མིང་བཏགས་ཏེ།། དངོས་པོ་ཉིད་དང་འབྲེལ་བའི
375b6 ཕྱིར།། མིང་དང་མཚན་མ་ཞེས་སུ་བཤད།། རྣམ་པར་རྟོག་པས་ལན་ཆགས་ནས།། སྒྱུ་མ་མི་བདེན་བསླུ་བའི་ལམ།། མིང་དང་མཚན་མ་གང་ཡང་ནི།། མེད་པར་རྟོགས་པ་དེ་ཁོ་ན།། ཡང་དག་དག་པའི་ཡེ་ཤེས་ཡིན།།
iiif viewer powered by OpenSeadragon
