| e-texts navigator |
| Wylie |
374b1 བརྩོན་པ།། དྲན་མེད་ཡེ་ཤེས་ཀླུང་གནས་པ།། མཉམ་དང་མི་མཉམ་དོན་ལས་འདས།། ཕ་རོལ་ཕྱིན་པ་བཅུ་ཡི་མཚོ།། ཟབ་མོ་ཟབ་པས་བརྒྱན་པར་ནི།། ཤེས་པ་སྙིང་པོར་ཐིམ་པས་ན།། ཡེ་ཤེས་སྙིང་པོ་ཡིན་པའི
374b2 ཕྱིར།། ཡོན་ཏན་ཅི་ཡང་བསྔག་པ་མེད།། སྟོབས་ཆེན་སྟོབས་ཀྱི་དབང་བསྒྱུར་ལ།། སྟོབས་བྲལ་སྟོབས་མཆོག་འདི་ལྡན་པར།། ཡང་དག་མཁྱེན་པས་སྟོབས་པོ་ཆེ།། མི་འཛིན་སྟོང་པས་སྡུག་བསྔལ་དག། ཆོས་སྐུ
374b3 བདེ་བ་ཆེན་པོ་ཡང་།། བསག་པ་མེད་ན་རང་བྱུང་སྐུ།། པདྨ་དག་པས་སྣང་བ་མེད།། མི་སྣང་བ་ཡི་དོན་དེ་ལ།། བསྒོམ་པ་མེད་ན་བསྒོམ་པ་ཡིན།། ཤེས་པ་གང་ལ་མི་འཇུག་པ།། ཡེ་ཤེས་སྙིང་པོའི་ཐིག་ལེ
374b4 ཡིན།། རྒྱལ་བ་ཀུན་གྱི་གཤེགས་ཤུལ་བདེ།། བྱང་ཆུབ་ཉིད་ཀྱང་མི་སྣང་བས།། བྱང་ཆུབ་ཉིད་ཀྱང་མཐོང་བ་མིན། ཆོས་ལས་རྒྱུ་ཡི་ཆོས་གནས་པ།། འབྲས་བུའི་རྒྱུ་དང་རྒྱུ་ཡི་རྒྱུད།། མེད་དང་ཡོད་པ་གཉིས་ཀར
374b5 འབྲེལ།། དེ་ལ་མཉམ་དང་མི་མཉམ་མཉམ།། བཤད་པས་ཐོས་མེད་བྱ་བྲལ་ཆོས།། ཡང་དག་ཆོས་ལས་བྱུང་བ་མེད།། འཁྲུལ་པའི་སངས་རྒྱས་ཆོས་ཀྱིས་བྱེད།། བྱས་པའི་གནས་དང་བྱ་མ་ཡིན།། འབྱོར་འདུས་མེད
374b6 པ་ས་ཡིས།། སྙིང་པོའི་དོན་ལ་མཉམ་པའོ།། འདོད་ཆགས་ཉིད་ལ་འདོད་ཆགས་ཀྱི།། མཚན་མ་ཅི་ཡང་མ་ཐོབ་ཅིང་།། འདོད་ཆགས་ཉིད་ཀྱི་ཆོས་མཐོང་བ།། སྡུག་བསྔལ་ཉིད་ལ་སྡུག་བསྔལ་གྱིས།། མཚན་མ་རྡུལ
iiif viewer powered by OpenSeadragon
