| e-texts navigator |
| Wylie |
374a1 དང་།། སངས་རྒྱས་སེམས་ཅན་སོ་སོར་འཛིན།། རྣམ་རྟོག་མདུད་པས་བསྡམས་པ་ལས།། ཡང་དག་དབྱིངས་ལས་གཡོས་པ་མེད།། མ་གཡོས་པ་ལས་བྱུང་རྣམས་ཀྱང་།། བཅོམ་ལྡན་འདས་ཀྱི་འོད་ཀྱི
374a2 ཚུལ།། འཁོར་ལོ་རྡོ་རྗེ་བསྡུས་པ་ཡང་།། རང་བྱུང་ཡེ་ཤེས་ཐིག་ལེའི་ངང་།། ཡེ་ཤེས་གཏི་མུག་མི་འབྱེད་པ།། ཆོས་ཀྱི་དབྱིངས་སུ་ག་ལ་མཐོང་།། མིང་དུ་བཏགས་པ་འཁྲུལ་པས་ན།། དེ་བཞིན་ཉིད་ལ་གཉིས་པ
374a3 ཡིན།། སྔོན་དུ་སངས་རྒྱས་བྱུང་མེད་པས།། སངས་རྒྱས་སྣ་ཚོགས་འཁྲུལ་པའི་སྒྲ།། ཆོས་ཀྱི་སྙིང་པོ་གསུང་དུ་མེད།། དེ་ཕྱིར་བརྗོད་དུ་རྡུལ་ཙམ་མེད།། གསང་མཆོག་དགྱེས་པ་ཞེས་བྱ་བ།། རྡོ་རྗེ་རྩེན་པ་དེ་ལ
374a4 བརྗོད།། སྐུ་གསུང་ཐུགས་དང་མཉམ་པ་ཉིད།། འཛིན་པའི་དབང་ལས་ཕྱག་རྒྱ་མིན།། ཆོས་ཀྱི་དབྱིངས་ཀྱི་ཕྱག་རྒྱ་ནི།། མ་བརྟགས་ལྷུན་གྱིས་གྲུབ་པར་གནས།། ལམ་རྒན་བྱ་བྲལ་བྱར་མེད་ལམ།། རྩ་བ་མེད་པའི
374a5 སྙིང་པོའོ།། མ་བྱུང་མི་སྐྱེའི་སྙིང་པོ་ལ།། མིང་གིས་བརྒྱན་པ་སྒྲོ་སྐུར་ཡིན།། ཚིག་ཏུ་བརྗོད་པ་རྣམ་སེམས་དབང་།། རྣམ་སེམས་སྒྱུ་མས་བཟུང་བའི་ཆོས།། ཡེ་ཤེས་སྒྱུ་མས་བསྒྱུར་ཤེས་ནས།། སྒྱུ་མ་སྨིག་རྒྱུའི་དྲན
374a6 དབང་ནི།། དམིགས་བྱ་དམིགས་པར་དྲན་དབང་བསྒྱུར།། ཐབས་ཀྱི་རྒྱལ་པོ་སྒྱུ་མའི་སྟོང་།། ཤེས་པ་གང་ཡང་མི་འབྱུང་ཞིང་།། སྣང་བ་གང་ཡང་མ་མཐོང་བ།། དེ་བཞིན་བདེ་བ་ཆེན་པོའི་ས།། ཡེ་ཤེས་དབྱིངས་ལ་མི
iiif viewer powered by OpenSeadragon
