| e-texts navigator |
| Wylie |
373b1 རྡོ་རྗེའི་སྤྱན།། ཡེ་ཤེས་ཆེན་པོ་སྤྱན་གདངས་པས།། གསང་བ་རྒྱ་མཚོའི་རྡོ་རྗེའི་སྐུ།། མདངས་ལྡན་མ་ཡིས་སྤྱན་ཁེངས་པ།། དྲང་པོ་མ་ཆགས་རྡོ་རྗེའི་ས།། ཡེ་ཤེས་སྤྱན་དེ་པདྨ་ཅན།། ཡི་གེ་ཕྲེང་ཚོགས་འོད་ཟེར
373b2 ཚུལ།། གསང་བ་མཆོག་གི་རོལ་མོ་ཡིས།། ཟག་མེད་ཡེ་ཤེས་ཆོམས་གྱུར་པ།། ཐམས་ཅད་བྱང་ཆུབ་སྙིང་པོའི་སྐུ།། ཀུན་ཏུ་བཟང་པོ་རྡོ་རྗེའི་ས།། རྡོ་རྗེ་མིང་གི་ཚོགས་བཅོམ་ནས།། ཨ་ལ་སོགས་པའི་ཚོགས་ཟད
373b3 པ།། སེང་གེ་ལྟ་བུའི་ཆོས་ཆེན་པོ།། ཆུང་ངུ་སྣ་ཚོགས་ཉིད་ལ་རྫོགས།། ཉིད་ལས་ཆོས་སུ་མ་གྱུར་པ།། གསང་མཆོག་རྨད་བྱུང་སྣང་བ་མེད།། སྣང་མེད་སྣང་བ་དངོས་ཡིན་པས།། སྣང་དང་མི་སྣང་མི་དམིགས
373b4 ན།། ཐམས་ཅད་བྱང་ཆུབ་ཕུར་བས་བཏབ།། འཁོར་ལོ་རྡོ་རྗེ་ལས། ངོ་བོའི་ངེས་པར་བསྟན་པའི་གླེང་གཞིའི་ལེའུ་སྟེ་དང་པོའོ།། །། དེ་ནས་རྡོ་རྗེ་ཤིན་ཏུ་བརྟན་པའི་ཆོས།། འདོད་ཆགས་རྡོ་རྗེའི་ཏིང་ངེ་འཛིན་ལ
373b5 སྙོམས་པར་ཞུགས་ནས།། ཉིད་ལ་ཉིད་ཀྱི་ངོ་མཚར་བ་བཀའ་སྩལ་པ། ཨེ་མའོ།། རྡོ་རྗེ་དངོས་གྲུབ་རྡོ་རྗེའི་ལས།། སྤྱོད་ལ་གྱུར་པ་མེད་བཞིན་དུ།། བདག་དང་གཞན་དུ་རྟོག་པ་ལས།། ཉེས་དམིགས་ལ་སོགས་སྣ
373b6 ཚོགས་འབྱང་།། ཁམས་གསུམ་འཁོར་ལོ་ཆུ་འབབ་བཞིན།། རྒྱན་ཆགས་ཉིད་དུ་འབབ་པར་འགྱུར།། བྱང་ཆུབ་སྙིང་པོ་རྡོ་རྗེ་ལས།། བག་ཆགས་འཁོར་ལོའི་རྟོག་པས་འཁྲལ།། སྣ་ཚོགས་པ་ཡི་ཆོས་རྣམས
iiif viewer powered by OpenSeadragon
