| e-texts navigator |
| Wylie |
373a1 གཏེར།། ཡེ་རྒྱས་བཏབ་པའི་ཕྱག་རྒྱ་ཡིན།། རྣམ་སེམས་རྟོག་དཔྱོད་བྲལ་བ་ནི།། བྱང་ཆུབ་སྙིང་པོ་ཐིག་ལེ་ཡིན།། གལ་ཏེ་འདོད་པས་མ་བཏང་ན།། རྟེན་མེད་རང་བྱུང་ཡེ་ཤེས་བསམ།། དེ་ནི་འཛིན
373a2 པའི་ནད་ཡོད་པས།། བསམ་ལས་འདས་པའི་ཤེས་རབ་བསྐྱེད།། ཤེས་རབ་དྲང་པོའི་དོན་ཉིད་ལ།། ཡེ་ཤེས་མཆོག་གི་ཐིག་བཏབ་པ།། སྣ་ཚོགས་དཀྱིལ་འཁོར་འཁོར་ལོ་ལྡན།། འབྱུང་འཇུག་དཀྱིལ་འཁོར་ཟད་མི
373a3 ཤེས།། རྣམ་སེམས་དབེན་པར་དབེན་གནས་ན།། སེམས་སུ་འདུ་ཤེས་གང་ཡང་མེད།། དེ་ཉིད་རང་བྱུང་ཡེ་ཤེས་ཉིད།། བཙལ་བས་རྙེད་པར་མི་འགྱུར་ཏེ།། མ་བཙལ་པ་ན་ཡེ་ཤེས་ཉིད།། སེམས་མི་ཤེས་ལ་རྟག་ཏུ
373a4 གནས།། ཐམས་ཅད་མ་ལུས་ཆོས་སོ་ཅོག། རང་བྱུང་ཡེ་ཤེས་ཉིད་ལས་མེད།། ཡེ་ཤེས་དེ་ལས་གཞན་པའི་ཆོས།། ཡེ་ཤེས་ཉིད་ཀྱིས་མི་རྙེད་དོ།། གལ་ཏེ་མཐོང་ཆོས་སྣ་ཚོགས་པ།། རྟོག་པའི་རྒྱུན་གྱིས་མཐོང་བར
373a5 ཟད།། ཅི་སྟེ་མཐོང་བ་བདེན་གྱུར་ན།། སངས་རྒྱས་རྒྱུན་འབྱུང་འབྱུང་མི་སྲིད།། ཁམས་གསུམ་ཡེ་སངས་རྒྱས་པ་ལ།། སྟོང་པས་སྟོང་པའི་སྦྱིན་པ་གཏོང་།། ཡེ་ཤེས་ཆེན་པོའི་སྦྱིན་པ་གཏོང་།། ཡེ་ཤེས་ཆེན་པོའི་ཐིག
373a6 ལེ་ལ།། ཆོས་ཀྱི་དབྱིངས་ཀྱིས་བརྒྱན་པ་ཡིན།། འདུད་བྱེད་མེད་པའི་དཀྱིལ་འཁོར་ནི།། ཤིན་ཏུ་ཡེ་ཤེས་རྔམ་པའི་ཞལ།། མི་རྟོག་པ་ལས་བྱུང་བའི་གསུང་།། གསུང་གི་འབྲུག་ནི་ཀུན་ཏུ་གྲགས།། བལྟས་པས་སྲེག་པ
iiif viewer powered by OpenSeadragon
