| e-texts navigator |
| Wylie |
372b1 ཅེས་བྱ།། ཡེ་ཤེས་དབྱིངས་ལས་མ་བསྐྱེད་ན།། བདེ་ཆེན་འཁོར་ལོ་དྲག་ཏུ་བསྐོར།། རྒྱུད་དྲུག་འཁོར་བ་རྣམས་སེམས་ཉིད།། ཨ་ཡིས་ཨ་སྤྱད་ཨ་ལ་རོལ།། རྡོ་རྗེ་ཞེ་སྡང་རྡོ་རྗེ་གཅོད།། ཡི་གེའི་ཚོགས་དང་བྲལ་བྱའི
372b2 ཕྱིར།། ཡི་གེ་ལ་ནི་ཡི་གེ་མེད།། ཡི་གེ་དང་ནི་ཡི་གེའི་རྒྱུ།། གཉི་ག་ཡོད་པ་མ་ཡིན་ཏེ།། ཤེས་རབ་ཐབས་ལ་བརྟེན་པ་ཡིས།། ཡི་གེ་འདོད་ལ་སྣང་བར་ཟད།། མི་དཔོག་པ་ཡི་ཆོས་མཆོག་ལ།། དབང་བསྒྱུར་ཆེན་པོའི
372b3 རྡོ་རྗེ་རོལ།། རྡོ་རྗེའི་ལྟེ་བར་ཡིན་པ་སྟེ།། འབྲེལ་ཏེ་གཅིག་ཏུ་གྱུར་པ་ནི།། ཀཱ་ལིའི་སྙིང་པོར་གྱུར་པ་དེ།། ཡི་གེ་མེད་པའི་ཡི་གེ་ཡིན།། ཤེས་པ་ཤེས་བཞིན་མ་འཁྱམས་པར།། རང་གི་ངོ་བོར་གནས་པ་ནི།། རང་རིག
372b4 ཡེ་ཤེས་ཞེས་བརྗོད་དོ།། ཤེས་ཀུན་དེར་འཁྱིལ་ཕུར་པ་དམ།། དྲང་པོ་དེ་ནི་བྱང་ཆུབ་སེམས།། རྡོ་རྗེ་ཁྲོས་པས་ལྔ་གཉིས་བཏུལ།། ཡི་གེའི་སྙིང་པོ་ཉིད་དུ་གསལ།། ཞེ་སྡང་གསལ་བའི་རྡོ་རྗེ་ཡིས།། རྡོ་རྗེ་ཁྲག་འཐུང
372b5 རྣལ་འབྱོར་སྤྱད།། ཡེ་ཤེས་གཏི་མུག་ཡི་གེར་དག། གཏི་མུག་འཁོར་ལོ་དག་པའི་ཀློང་།། སྙིང་པོ་རྡོ་རྗེ་རྩན་པའི་གནས།། དུར་ཁྲོད་ཆེན་པོ་བརྡལ་བ་ནི།། ཡེ་ཤེས་རོལ་མོ་གཟིགས་ཤིང་དཔྱོད།། ཡེ་ཤེས་ཆེན་པོ་ཁྲོས
372b6 པ་ཡིས།། དགྱེས་པའི་རོལ་མོ་དབྱིངས་ཉིད་རོལ།། རྣམ་པ་ཉིད་དུ་མི་གནས་པ།། ཆོས་སུ་བཟུང་བ་གང་ཡང་མེད།། ཤེས་པའི་གཏི་མུག་སྣ་ཚོགས་པ།། མི་ཤེས་རྡོ་རྗེ་ཤེས་པ་ནི།། སྦྱིན་པ་རྒྱ་ཆེན་ཤེས་རབ
iiif viewer powered by OpenSeadragon
