| e-texts navigator |
| Wylie |
372a1 ཤོག། བར་འདིར་བག་རང་དུ་འགྲོ་བ་རྣམ་མཐའ་དང་མཚམ་པ་འདུས། @#།། རྒྱ་གར་སྐད་དུ། ཙཀྲ་བཛྲ། བོད་སྐད་དུ། འཁོར་ལོ་རྡོ་རྗེ། བཅོམ་ལྡན་འདས་དཔལ་ཀུན་ཏུ་བཟང་པོ་ལ་ཕྱག
372a2 འཚལ་ལོ།། ཡང་དག་གསང་བ་ཆེན་པོ་ཡུམ་གྱི་མཁའ་ན། སྙིང་པོའི་རྡོ་རྗེའི་འོད་ཟེར་རབ་འབར་རོ།། ཀུན་ཏུ་བཟང་པོ་དང་། རྡོ་རྗེ་སེམས་དཔའ་རྣམས་ཀྱང་འོད་ཟེར་འབར་རོ།། བཅོམ་ལྡན་འདས་གསང་བ་ཆེན
372a3 པོའི་དཀྱིལ་འཁོར་ན། རྡོ་རྗེའི་དཀྱིལ་འཁོར་ཤིན་ཏུ་དག་པར་རོལ་ཏོ།། ཡང་དག་པར་རྫོགས་པའི་བཅོམ་ལྡན་འདས་ནི། དགྱེས་པ་ཆེན་པོའི་རོལ་པའི་ལྷུན་ལ་འདུ་འབྲལ་མེད་དོ།། ཡེ་ཤེས་ཐིག་ལེའི་སྙིང་པོ
372a4 ལ།། སངས་རྒྱས་སེམས་ཅན་ཡོངས་ཀྱི་མེད།། རྟོག་པས་བརྟགས་པ་ལས་བྱུང་བ།། ཆོས་སོ་ཅོག་པ་མཐའ་ཡས་མཆོག། རྣམ་ཤེས་ཕྱི་ནང་ཡུལ་རོལ་ན།། ལམ་ལྔས་བསྡུས་པ་ཟག་པའི་ཆོས།། བརྗོད་ཀྱིས་མི་ལངས
372a5 རྟོག་པའི་རྡུལ།། དེ་བཞིན་དབྱིངས་ལས་བསམ་ཡས་འཆར།། སྟོང་བ་ཞི་བའི་རྣམ་ཤེས་ཀྱིས།། ཆོས་རྣམས་མ་ལུས་ཐམས་ཅད་བསྡུས།། རྟོག་པའི་དབང་དང་མཐུ་ཉིད་ལ།། སྟོང་གཞི་དེ་ལས་འགྱུར་བ་མེད།། ཀུན
372a6 གྱི་རང་བཞིན་ལམ་མཆོག་འདི།། སྤྱོད་ཡུལ་གང་དུའང་བཏག་མེད་པས།། ཇི་ལྟར་བརྟགས་པས་གྲུབ་པ་ཀུན།། རྟོག་པའི་རྒྱུན་ཆགས་ཟད་མཐའ་མེད།། མ་བཅོས་པ་ཡི་ཆོས་ཉིད་ལ།། ཚད་མས་བཅོས་པས་བསླད
iiif viewer powered by OpenSeadragon
