| e-texts navigator |
| Wylie |
371b1 འགྱེལ་འཇིགས་སྐྲག་དངངས་པར་བྱེད།། སྣང་སྲིད་སྣོད་བཅུད་ཐམས་ཅད་ཀྱི།། སྒྲ་སྐད་བསམ་གྱིས་མི་ཁྱབ་པ།། ཀུན་ཀྱང་གསང་སྔགས་གསང་བའི་ཚིག། འཇིག་རྟེན་ཡོངས་ཀྱི་སྤྱོད་ཡུལ་ལ།། སངས་རྒྱས་གསུང
371b2 གི་ཟབ་མོ་འབྱུང་།། རྫོགས་ཆེན་ཨ་ཏི་ཡོ་གའི་གསུང་།། མཆོག་ཏུ་གསུང་བའི་ཆོས་ཉིད་ནི།། མི་གསུང་མཉམ་བཞག་བརྗོད་པ་སྟེ།། ཡི་གེ་མེད་པ་དོན་གྱི་གསུང་།། ཚིག་ཏུ་བརྗོད་པ་སྤངས་པ་སྟེ།། བརྗོད་པ་ཀུན་གྱི
371b3 རྒྱུ་གཞི་ཡིན།། ཚིག་གི་དབང་པོ་ཚིག་གི་བདག། ཚིག་ཀུན་རབ་ཏུ་གསལ་བར་བྱེད།། རི་རབ་རི་ཡི་རྩེ་མོ་ན།། མཚན་དང་ལྡན་པའི་དཔེ་བྱད་ཅན།། ཞལ་གྱི་སྒོ་ནས་མི་བརྗོད་ཀྱང་།། རང་གི་ངོ་བོས་ཆོས་རྣམས
371b4 སྟོན།། ཞེས་གསུངས་སོ།། བང་མཛོད་འཕྲུལ་གྱི་མེ་ལོང་ལས།། གསུང་གི་ཡན་ལག་རྣམ་པར་ཕྱེ་བའི་ལེའུ་སྟེ་བཅུ་པའོ།། །། བང་མཛོད་འཕྲུལ་གྱི་མེ་ལོང་ལས།། རྒྱུད་ཕྱི་མའི་ཕྱི་མར་བྱས་པ། མ་ཚང་བ་ཁ
371b5 སྐོང་བ་རྫོགས་སོ།། །། འཇམ་དཔལ་བཤེས་གཉེན། ཤྲཱི་སིདྷ། དེས་བི་མ་ལ། དེས་གཡུ་སྒྲ་སྙིང་པོ། དེས་ཛྙཱ་ན་ཀུ་མཱ་ར། དེས་སངས་རྒྱས་ཡེ་ཤེས་རིན་པོ་ཆེ། དེས་སྒྲགས་ཀྱི་ཡང་རྫོང་དུ། སུ་ལ་ཡང་མ་སྤེལ
371b6 བར་ཐུགས་ཀྱི་དགོངས་པ་དེ་ལ་མཛད་དོ།། ཐ་མ་འགར་སྲས་ལ་ཡང་ཐུགས་མ་ཆེས་པར།། མན་ངག་བཞག་པའི་སྣོད་མ་རྙེད་ནས། དར་དྲིལ་བུ་ཚིགས་སུ་བཅད་ནས་སྦས་སོ།། ལས་འཕྲོ་ཅན་དང་འཕྲད་པར
iiif viewer powered by OpenSeadragon
