| e-texts navigator |
| Wylie |
371a1 ལོང་ལས། དོན་གཉིས་གཏན་ལ་དབབ་པའི་ལེའུ་སྟེ་དགུ་པའོ།། །། ཡང་གསོལ་པ། ཀྱེ་ཀྱེ་གསང་བའི་བདག་པོ་ལགས།། འཇིག་རྟེན་འཇིག་རྟེན་འདས་པའི་གསུང་།། དེ་ཡི་བྱེ་བྲག་ཇི་ལྟར
371a2 ལགས།། གསང་བའི་བདག་པོས་བསྟན་དུ་གསོལ།། གསང་བའི་བདག་པོས་གསུངས་པ།། ཀྱེ་སེམས་དཔའ་ཆེན་པོ་ཉོན་ཅིག། སྙན་པར་སྨྲ་བ་ཚངས་པའི་དབྱངས་ཀྱི་གསུང་།། བདུད་ཀྱི་བུ་མོ་ལ་སོགས་པ།། ཀུན
371a3 ཀྱང་ཆགས་པ་སྐྱེ་བར་བྱེད།། བློ་ལྡན་སྐྱེས་བུ་གང་དག་གིས།། གསུང་བཞིན་གཏན་ལ་ཕེབས་གྱུར་ན།། སྨྲ་བའི་གཏན་ཚིགས་རྨོངས་མི་འགྱུར།། བདེ་གཤེགས་རྒྱལ་བ་སངས་རྒྱས་ཀྱིས།། བློ་ཡི་རིམ་པར་དགོངས
371a4 ནས་ནི།། རང་རང་མཐུན་པའི་ཚིག་དགུ་སྨྲས།། གང་འཐད་ཡུལ་ལ་ལྡེམ་དུ་བཅུག། བདེ་གཤེགས་རྒྱལ་བ་སངས་རྒྱས་ཀྱིས།། སྐུ་དྲུག་རྣམ་པར་སྤྲུལ་ནས་ནི།། གསུང་དྲུག་བརྗོད་ནས་འགྲོ་དྲུག་འདྲེན།། བདེ
371a5 གཤེགས་རྒྱལ་བ་སངས་རྒྱས་ཀྱིས།། གསུང་དྲུག་དགོངས་པའི་བཤད་པ་ནི།། ཅི་བཞིན་མ་ཡིན་དགོངས་པ་བཤད།། དགོངས་བཤད་མ་ཡིན་ཅི་བཞིན་པ།། ངེས་དང་མ་ངེས་རྣམ་པ་ཅན།། ཞལ་ནས་གསུངས་ཤིག
371a6 སྦེད་སངས་ལ།། འགྲོ་བས་དོན་རྣམས་སོ་སོར་གོ།། གོང་ནས་གོང་གི་ཞེན་བློ་ལྡོག། བདེ་གཤེགས་རྒྱལ་བ་སངས་རྒྱས་ཀྱིས།། ཐུགས་ཉིད་ཞི་ལས་མ་གཡོས་ཀྱང་།། འཇིགས་ཚུལ་རྔམ་པའི་སྐུར་སྤྲུལ་ནས།། འདར
iiif viewer powered by OpenSeadragon
