| e-texts navigator |
| Wylie |
370b1 དག་ལ།། གསེར་སྲང་གཅིག་གི་རྩི་བཏང་བས།། ཐམས་ཅད་གསེར་དུ་འགྱུར་བ་བཞིན།། ཆོས་རྣམས་ཀུན་གྱི་ངོ་བོ་ལ།། བྱང་ཆུབ་སེམས་ཀྱི་རྩི་བཏང་བས།། རང་བྱུང་ཡེ་ཤེས་ཆེན་པོའམ།། ཆོས་ཉིད་མིན་པ་གང
370b2 ཡང་མེད།། དཔེར་ན་རིན་ཆེན་གསེར་གླིང་ན།། ཐམས་ཅད་གསེར་ལས་མེད་པའི་ཕྱིར།། ས་རྡོ་བཙལ་ཀྱང་མི་རྙེད་འགྱུར།། དེ་བཞིན་རྫོགས་ཆེན་རྣལ་འབྱོར་པས།། སྣང་སྲིད་སེམས་སུ་ཐག་ཆོད་ན།། བྱང་ཆུབ
370b3 སེམས་ལས་མ་གཏོགས་པའི།། ཆོས་རྣམས་གཞན་ནས་འཚོལ་བ་ནི།། རྒྱལ་བས་བཙལ་ཡང་མི་རྙེད་དོ།། རྒྱུ་འབྲས་སྣང་སྟོང་ལ་སོགས་པ།། གཅིག་ལ་གཅིག་གིས་རྒྱ་ཡིས་གདབ།། བྱང་ཆུབ་སེམས་ཀྱི་དོན་རྟོགས
370b4 ན།། སངས་རྒྱས་སེམས་ཅན་གཉིས་མེད་མཉམ།། བདེ་དང་སྡུག་བསྔལ་གཉིས་མེད་མཉམ།། བཟང་ངན་ཆེ་ཆུང་གཉིས་མེད་མཉམ།། སྐྱོན་དང་ཡོན་ཏན་གཉིས་མེད་མཉམ།། ཆོས་དང་ཆོས་ཉིད་གཉིས་མེད
370b5 མཉམ།། དོན་དམ་ཀུན་རྫོབ་གཉིས་མེད་མཉམ།། ཕྱི་ནང་ཡུལ་སེམས་གཉིས་མེད་མཉམ།། མཉམ་པས་རིམ་པར་བཀོད་པ་མེད།། ཇི་ལྟར་སྣང་བའི་ཆོས་རྣམས་ཀུན།། བྱང་ཆུབ་སེམས་སུ་གསལ་ཐེབས་ན།། རང
370b6 རྒྱུད་འཛིན་པའི་ཞེན་པ་ལྡོག། ཆོས་རྣམས་ཀུན་གྱི་ངོ་བོ་ལ།། ཚད་གསུམ་གཏན་ལ་ཕེབས་པ་ན།། གདེང་དང་ཡིད་ཆེས་དེ་ལ་སྐྱེ།། དེ་ནི་མི་འགྱུར་བརྟན་པའི་གཟེར། ཞེས་གསུངས་སོ།། བང་མཛོད་འཕྲུལ་གྱི་མེ
iiif viewer powered by OpenSeadragon
