| e-texts navigator |
| Wylie |
370a1 དང་སྦྱར་ནས་ནི།། འོག་ཁང་པར་ཁང་གསུམ་ཐོག་རྩེ།། ཕྱི་དང་ནང་མེད་ཀུན་ཏུ་ནང་།། རང་བྱུང་སེམས་ཀྱི་གཞལ་མེད་ཁང་།། ཞེས་གསུངས་སོ།། ཡང་གསུངས་པ།། བག་ཆགས་རྒྱུ་རུ་བསྟན་པ
370a2 ནི།། ལྷན་ཅིག་སྐྱེས་པའི་མ་རིག་པ།། རྐྱེན་ནི་འདོད་ཡོན་རྣམ་པ་ལྔ།། ངོ་བོ་ལུས་ངག་ཡིད་ཀྱི་ལས།། དབྱེ་བ་དགེ་སྡིག་དཀར་ནག་ཆོས།། གསོག་པའི་གཞི་ནི་ཀུན་གཞི་ལ།། དགོད་པའི་བདག་པོ་ཡིད་གཉིས
370a3 ཏེ།། འབྲས་བུ་འགྲོ་བ་དྲུག་ཏུ་སྨིན།། ཞེས་གསུངས་སོ།། བང་མཛོད་འཕྲུལ་གྱི་མེ་ལོང་ལས། དོན་རྣམ་པར་བརྩེ་བའི་ལེའུ་སྟེ་བརྒྱད་པའོ།། །། ཡང་གསོལ་པ། ཀྱེ་ཀྱེ་གསང་བའི་བདག་པོ་ལགས།། རྫོགས
370a4 ཆེན་སྤྱོད་པའི་རྣལ་འབྱོར་པས།། ཆོས་རྣམས་ཀུན་གྱི་ངོ་བོ་ལ།། རྒྱ་གཟེར་རྩི་ཡིས་ཇི་ལྟར་བཏབ།། གསང་བའི་བདག་པོས་བསྟན་དུ་གསོལ།། གསང་བའི་བདག་པོས་གསུངས་པ།། ཀྱེ་སེམས་དཔའ་ཆེན་པོ་ཉོན
370a5 ཅིག། རྫོགས་ཆེན་སྤྱོད་པའི་རྣལ་འབྱོར་པས།། དོན་གྱི་ངོ་བོ་རྟོགས་འདོད་ན།། བསེ་སྒྲོམ་གསུམ་པའི་ལྡེ་མིག་གིས།། ངེས་པའི་གསང་སྒོ་དབྱེ་བར་བྱ།། ངེས་པའི་གསང་སྒོ་ཕྱེ་ནས་ནི།། ཀུན་གཞི་སེམས་ཀྱི་ནམ
370a6 མཁའ་ལ།། རང་བྱུང་ཡེ་ཤེས་འོད་ཤར་བ།། ངེས་པའི་གསང་མཛོད་ཆེན་པོ་ན།། མི་ཟད་གཏེར་ཆེན་ཡོད་པ་མཐོང་།། སེམས་ཀྱི་རང་བྱུང་ཡེ་ཤེས་དེ།། ཆོས་རྣམས་ཀུན་གྱི་ངོ་བོར་ཤར།། དཔེར་ན་ཟངས་སྲང་བརྒྱ
iiif viewer powered by OpenSeadragon
