| e-texts navigator |
| Wylie |
36b1 དང་།། བལྟ་བའི་ཡུལ་ནི་ཅི་དམིགས་ཀྱང་།། ཇི་བཞིན་པ་ལ་གཡོས་པ་མེད།། བྱ་བའི་ལས་ཀྱིས་གྲུབ་པ་མེད།། བསམ་པའི་ཏིང་འཛིན་ཡལ་བར་འགྱུར།། འཕྲོ་བའི་འོད་ཟེར་ཞི་འགྱུར་ན།། བལྟ་ཡུལ་གང་ཡང
36b2 མཐོང་བ་མེད།། དེས་ན་བཙལ་བའི་ལས་མ་བྱེད།། ཀྱེ་སེམས་དཔའ་ཆེན་པོ།། ཡུལ་ལས་བཙལ་བས་གྲུབ་པའི་ལུང་དེ་ནི།། རྒྱུ་དང་འབྲས་བུའི་ཐེག་ཅན་སྟོན་པར་བྱེད།། རྒྱུ་དང་འབྲས་བུའི་ཐེག་ཅན་ཆོས་ཉིད
36b3 ནི།། ཆོས་དང་ཆོས་ཉིད་རྣམ་པ་གཉིས་ཕྱེ་ནས།། ཆོས་ཀྱིས་ཆོས་ཉིད་ཚོལ་བ་རྙེད་ལུང་མེད།། ཅེས་གསུངས་སོ།། བྱང་ཆུབ་ཀྱི་སེམས་ཀུན་བྱེད་རྒྱལ་པོ་ལས་བཙལ་བས་མི་འགྲུབ་པའི་ལེའུ་སྟེ་བཅཝ་བརྒྱད
36b4 པའོ།། །། དེ་ནས་བྱང་ཆུབ་ཀྱི་སེམས་ཀུན་བྱེད་རྒྱལ་པོ་དེས་མ་བཙལ་བས་གྲུབ་པའི་ལེའུ་འདི་གསུངས་སོ།། ཀྱེ་སེམས་དཔའ་ཆེན་པོ་ཉོན་ཅིག། ང་ལས་བྱུང་བའི་སྟོན་པ་སྐུ་གསུམ་གྱིས།། བསྟན
36b5 པའི་ཐེག་པ་རྣམ་གསུམ་བསྟན་པ་ནི།། སྟོན་པ་གསུམ་གྱིས་མི་སྩོལ་ལུང་མ་བསྟན།། ཀུན་བྱེད་ང་ཡིས་ཐེག་གཅིག་བསྟན་པ་ནི།། བཙལ་བས་གྲུབ་པའི་ལུང་དུ་ངས་མ་བསྟན།། ཀྱེ་སེམས་དཔའ་ཆེན་པོ་ཉོན
36b6 ཅིག། ཀུན་བྱེད་བྱང་ཆུབ་ང་ཡི་རང་བཞིན་ལས།། མ་བཙལ་རང་བཞིན་ལྷུན་གྱིས་གྲུབ་པ་ནི།། རྒྱལ་བ་ཀུན་གྱི་སྙིང་པོ་སྐུ་གསུམ་སྟེ།། ང་ཡི་རང་བཞིན་མ་བཅོས་ཆོས་སྐུར་གྲུབ།། ང་ཡི་ངོ་བོ་མ་བཅོས་ལོངས་སྤྱོད
iiif viewer powered by OpenSeadragon
