| e-texts navigator |
| Wylie |
36a1 ལྟས་མཆོད།། དེ་ཡི་ཡོན་ཏན་མི་འབྲལ་དེ་ཐོབ་ནས།། ཆོས་རྣམས་ཀུན་བྱེད་རྒྱལ་པོར་ནུས་པར་འགྱུར།། ཞེས་གསུངས་སོ།། བྱང་ཆུབ་ཀྱིས་སེམས་ཀུན་བྱེད་རྒྱལ་པོ་ལས་སྐུ་གདུང་གཏད་པའི་ལེའུ་སྟེ
36a2 བཅུ་བདུན་པའོ།། །། དེ་ནས་བྱང་ཆུབ་ཀྱི་སེམས་ཀུན་བྱེད་རྒྱལ་པོ་དེས་ཆོས་ཐམས་ཅད་ཀྱི་ཆོས་ཉིད་ང་ཉིད་ཡིན་པའི་ལུང་འདི་གསུངས་སོ།། ཀྱེ་སེམས་དཔའ་ཆེན་པོ་ཉོན་ཅིག། སྣང་སྲིད་སྣོད་བཅུད་ཐམས
36a3 ཅད་ཀུན།། སྣང་ནི་ང་ཡི་ངོ་བོར་སྣང་།། དག་ནི་ཆོས་ཉིད་དབྱིངས་སུ་དག། འདུལ་བ་རྣམ་པ་སྣ་ཚོགས་སྟོན།། སྐུ་གསུམ་སྣ་ཚོགས་བྱུང་ནས་ནི།། ཐེག་པ་གསུམ་ནི་ངོ་ཡང་སྟོན།། རྒྱུ་འབྲས་ཅན་ནི་དེས་ཚིམ
36a4 བྱེད།། འདས་པ་ཡུལ་ལ་མི་ལྟོས་པས།། རྒྱུ་ལ་མི་བསྒྲུབ་འབྲས་མི་འདོད།། འདོད་པ་མེད་པའི་དགོངས་པ་དང་།། རང་བཞིན་ལྷུན་གྱིས་གྲུབ་པར་འགྱུར།། ཡེ་ནས་ཡིན་ལ་བྱ་མི་དགོས།། དོན་རྣམས་ཇི་བཞིན
36a5 བསྐྱོད་མེད་པས།། ཇི་བཞིན་པ་ལ་བསྒྲུབ་མི་དགོས།། ཆོས་ཀུན་རང་བཞིན་ལྷུན་གྲུབ་ཕྱིར།། དུས་གསུམ་སངས་རྒྱས་གྲུབ་པས་ཀྱང་།། རྩོལ་ཞིང་སྒྲུབ་པའི་ལུང་མི་འབོགས།། བཙལ་ན་གང་བཙལ་ཏིང་འཛིན
36a6 དེས།། མི་གྲུབ་ཏིང་འཛིན་ནད་དུ་ཆེ།། ཀྱེ་སེམས་དཔའ་ཆེན་པོ།། ང་མིན་སྟོན་པ་ཐམས་ཅད་ཀྱིས།། བྱ་བའི་ཕྲིན་ལས་སྣ་ཚོགས་དང་།། བསམ་པའི་ཏིང་འཛིན་རིམ་པ་དང་།། འཕྲོ་བའི་འོད་ཟེར་སྣ་ཚོགས
iiif viewer powered by OpenSeadragon
