| e-texts navigator |
| Wylie |
369b1 ཉོན་ཅིག། སློབ་དཔོན་མ་མཐོང་སེམས་ཉིད་མཐོང་།། རང་སེམས་བླ་མར་གནས་པས་ན།། ཀུན་གྱི་སློབ་དཔོན་སྐལ་པ་བཟང་།། གཉིས་མེད་སློབ་དཔོན་དམ་པ་སྟེ།། ལོག་སྲེད་ཅན་ལ་བཀའ་མི་སྩོལ།། བསམ་གྱིས
369b2 མི་ཁྱབ་ཡུལ་སློབ་བུ།། རྡོ་རྗེ་སེམས་དཔའི་སྤྱན་ཡིན་པས།། རྒྱལ་བས་སྲས་ཀྱི་དམ་པར་གསུངས།། རང་རིག་སེམས་ཀྱི་སློབ་བུར་གནས།། ཞེས་གསུངས་སོ།། ཡང་གསུངས་པ། སངས་རྒྱས་ཀུན་གྱི་བྱང་ཆུབ
369b3 སེམས།། བླ་ན་མེད་པར་ཐུགས་ཆུད་པ།། དེ་ནི་དཀྱིལ་འཁོར་ཆེན་པོར་གསུངས།། ཆོས་ཉིད་བྱང་ཆུབ་སེམས་དཀྱིལ་ན།། རང་རིག་ཡེ་ཤེས་འཁོར་གྱིས་བསྐོར།། རྡོ་རྗེ་རང་འཁྲུངས་དཀྱིལ་འཁོར་ཡིན།། ཀུན་གཞི
369b4 དཔལ་གྱི་མཎྜལ་ལ།། རྣམ་ཤེས་སྲད་བུས་ཐིག་ཆེན་བརྒྱད།། ཡེ་བཏབ་དཀྱིལ་འཁོར་རྒྱུན་མི་འཆད།། ཅེས་གསུངས་སོ།། ཡང་གསུངས་པ།། མ་བཅོས་ཇི་བཞིན་ས་གཞི་ལ།། གསལ་ལ་མི་རྟོག་ཕྱི་ནང་རྨང་།། སྣང
369b5 སྲིད་ས་རྡོར་སྤུངས་པ་ལ།། དྲན་པ་རྒྱུན་གྱི་རྩིག་པ་བརྩིགས།། དྲན་པ་ཡང་དག་ཟེམ་སྐས་བརྒྱད།། བསྡུ་བ་རྣམ་ཐར་ཚད་མེད་སྒོ།། རྫུ་འཕྲུལ་རྟ་བབས་དག་གིས་བརྒྱན།། ཡང་དག་བརྒྱད་ཀྱི་ཀ་བ་བཙུག། མི
369b6 འཇིགས་རིག་པའི་གདུང་ཆེན་བྲེས།། རང་བྱུང་ཡེ་ཤེས་དབུ་རྩེ་འཕགས།། ཡེ་ཤེས་ལྔ་དཀར་མཐོང་ནས་བཅལ།། ཐེག་ཆེན་གསང་སྔགས་སིལ་སྙན་སྒྲོགས།། བདེན་གཉིས་ཁྱམས་ཀྱི་ངེས་པར་མཛེས།། བློ་ཡི་རིམ
iiif viewer powered by OpenSeadragon
