| e-texts navigator |
| Wylie |
369a1 གྱི་ཐུགས།། མ་ཡེངས་གནས་པ་རིང་བསྲེལ་ཡིན།། ཞེས་གསུངས་སོ།། ཡང་གསུངས་པ། སྔགས་ནི་རྣམ་པ་གསུམ་ཡིན་ཏེ།། རིག་སྔགས་གསང་སྔགས་གཟུངས་སྔགས་སོ།། སེམས་ཀྱིས་ཀུན་ལ་ཁྱབ
369a2 མོད་ཀྱང་།། ཀུན་གྱིས་རྟོགས་པར་དཀའ་བའི་ཕྱིར།། གསང་སྔགས་ཞེས་སུ་བཏགས་པ་ཡིན།། དེ་དོན་ཕྱིན་ཅི་མ་ལོག་པ།། རིག་སྔགས་ཞེས་སུ་བཏགས་པ་ཡིན།། རྟོགས་པའི་ངང་ལས་མ་ཡེངས་པ།། གཟུང
369a3 སྔགས་ཞེས་སུ་བཏགས་པ་ཡིན།། དེ་ཕྱིར་སེམས་ནི་སྔགས་ཀྱང་ཡིན།། ཞེས་གསུངས་སོ།། ཡང་གསུངས་པ། སྣང་བ་ལམ་དུ་ཁྱེར་བ་ཐབས་ཡིན་ཏེ།། ཞེན་ཅིང་ཆགས་པ་མེད་པ་ཤེས་རབ་མིན།། སེམས་ནི་ཐབས
369a4 དང་ཤེས་རབ་ཚུལ་དུ་གནས།། ཞེས་གསུངས་སོ།། ཡང་གསུངས་པ། བྱང་ཆུབ་སེམས་ནི་བསྙེན་པ་སྟེ།། རྟོགས་པའི་བལྟ་བ་ཉེ་བསྙེན་ཡིན།། ཉམས་སུ་བླངས་པ་སྒྲུབ་པ་ཡིན།། མངོན་དུ་གྱུར་པ་སྒྲུབ་ཆེན་ཡིན།། དེ
369a5 བསྙེན་སྒྲུབ་ཚུལ་དང་ལྡན།། ཞེས་གསུངས་སོ།། ཡང་གསོལ་པ། ཀྱེ་གསང་བའི་བདག་པོ་ལགས།། བྱང་ཆུབ་སེམས་ཀྱི་ཆོས་ཉིད་དེ།། སློབ་དཔོན་དོན་དང་ཇི་ལྟར་ལྡན།། སློབ་བུ་དོན་དང་ཇི་ལྟར་ལྡན།། དཀྱིལ
369a6 འཁོར་དོན་དང་ཇི་ལྟར་ལྡན།། གཞལ་ཡས་ཁང་དང་ཇི་ལྟར་ལྡན།། བག་ཆགས་ཚུལ་དུ་ཇི་ལྟར་གནས།། གསང་བའི་བདག་པོས་བསྟན་དུ་གསོལ།། གསང་བའི་བདག་པོས་གསུངས་པ།། ཀྱེ་སེམས་དཔའ་ཆེན་པོ
iiif viewer powered by OpenSeadragon
