| e-texts navigator |
| Wylie |
368a1 བསྟན་དུ་གསོལ།། གསང་བའི་བདག་པོས་གསུངས་པ། ཀྱེ་སེམས་དཔའ་ཆེན་པོ་ཉོན་ཅིག། དོན་ཉིད་ཉམས་སུ་མ་བླངས་ན།། ཅི་ཙམ་ཟབ་མོའི་ཚིག་བརྗོད་ཀྱང་།། དོན་དང་མཐུན་པར་དེ་མི
368a2 འགྱུར།། བཤད་པ་ཚིག་གི་ཐན་པ་ཡིན། ཟུར་ཀའི་འཛག་མ་འགྱུར་བ་འདྲ།། བསྒོམས་པས་ཆོས་ཉིད་དོན་དང་ལྡན།། ཚིག་ཏུ་བརྗོད་ནས་བཤད་པ་ནི།། བུ་རམ་ལོ་རྒྱུས་བཤད་པ་འདྲ།། བསྒོམས་པའི་གདམས་ངག
368a3 ཕོག་པ་ནི།། བུ་རམ་ལག་ཏུ་གཏད་པ་འདྲ།། དོན་ཉིད་ཉམས་སུ་བླངས་པ་ནི།། བུ་རམ་ཁར་བཅུག་མྱོང་བ་འདྲ།། ཞེས་གསུངས་སོ།། ཡང་གསུངས་པ། ཏིང་འཛིན་དོན་དང་མི་ལྡན་ན།། ཐོས་པ་མང་པོའི་ཚིག
368a4 བསགས་ཀྱང་།། བྱིས་པས་རྩིས་སོགས་བྱེད་པ་འདྲ།། དེ་ཡང་ཡེ་རྔམ་ཆོས་ལ་ཟ།། ཆོས་ཉིད་དོན་དང་འབྱོར་པ་མེད།། མཉམ་པས་ཚིག་གི་གོ་བ་སྐྱེ།། བསམས་པས་དཔྱོད་པའི་ཤེས་རབ་སྐྱེ།། བསྒོམས་པས་དོན་གྱི
368a5 གོ་བ་སྐྱེ།། དེ་ཕྱིར་ཉམས་སུ་བླང་བ་གཅེས།། ཞེས་གསུངས་སོ།། བང་མཛོད་འཕྲུལ་གྱི་མེ་ལོང་ལས།། མཉན་བསམ་བསྒོམ་པའི་ཁྱད་པར་བསྟན་པའི་ལེའུ་སྟེ་བདུན་པའོ།། །། ཡང་གསོལ་པ། ཀྱེ་ཀྱེ་གསང
368a6 བའི་བདག་པོ་ལགས།། རྫོགས་ཆེན་རང་བྱུང་ཡེ་ཤེས་དེར།། ཕ་རོལ་ཕྱིན་དྲུག་ཇི་ལྟར་འདུས།། ཞི་གནས་ལྷག་མཐོང་ཇི་ལྟར་འདུས།། ཕྲིན་ལས་རྣམ་བཞི་ཇི་ལྟར་འདུས།། སྐུ་གདུང་རིང་བསྲེལ་ཇི་ལྟར
iiif viewer powered by OpenSeadragon
