| e-texts navigator |
| Wylie |
367b1 བ་མེད།། སེམས་ཀྱི་ཆོས་ཉིད་ཅི་བཞིན་ལ།། དེ་ནི་ཀུན་ཏུ་བཟང་མོ་ཡིན།། རྩལ་དང་ནུས་པ་མ་འགགས་པ།། དེ་ནི་ཀུན་ཏུ་བཟང་པོ་ཡིན།། ཇི་ལྟར་མཚོ་དང་རླབས་བཞིན་ནམ།། དུང་དང་དཀར་བའམ་གསེར་དང
367b2 སེར།། དོན་ལ་བཀོལ་བ་མེད་པར་གནས།། དེ་ཕྱིར་དེ་ལ་འགལ་བ་མེད།། ཅེས་གསུངས་སོ།། བང་མཛོད་འཕྲུལ་གྱི་མེ་ལོང་ལས། གལ་པོ་བློ་རྡེག་གི་ལེའུ་སྟེ་ལྔ་པའོ།། །། ཡང་གསོལ་པ། ཀྱེ་གསང་བའི
367b3 བདག་པོ་ལགས།། ཆོས་ཞེས་བགྱི་བ་གང་ལ་བགྱི།། ཉིད་ཅེས་བགྱི་བ་གང་ལ་བགྱི།། གསང་བའི་བདག་པོས་བསྟན་དུ་གསོལ།། གསང་བའི་བདག་པོས་གསུངས་པ།། ཀྱེ་སེམས་དཔའ་ཆེན་པོ་ཉོན་ཅིག། ཇི་ལྟར
367b4 སྣང་བའི་ཆོས་རྣམས་ལ།། ཆོས་ཞེས་མིང་དུ་བཏགས་པ་ཡིན།། རང་བཞིན་མེད་པ་ཆོས་ཉིད་ཡིན།། ཆོས་ནི་ས་ཡིན་ཆོས་ཉིད་སྲ་བ་ཡིན།། ཆོས་ནི་ཆུ་ཡིན་ཆོས་ཉིད་གཤེར་བ་ཡིན།། ཆོས་ནི་མེ་ཡིན་ཆོས་ཉིད་ཚ་བ
367b5 ཡིན།། དེ་ལ་སོགས་པ་གཞན་ཡང་བརྩི་བར་བྱ།། ཆོས་ནི་བྱང་ཆུབ་སེམས་ཡིན་ཏེ།། ཆོས་ཉིད་རིག་ཅིང་གསལ་བའོ།། དེ་སོགས་བཤད་པའི་དོན་རྣམས་ནི།། ཆོས་དང་ཆོས་ཉིད་གཏན་ལ་དབབ།། ཅེས་གསུངས་སོ།།
367b6 བང་མཛོད་འཕྲུལ་གྱི་མེ་ལོང་ལས། ཆོས་དང་ཆོས་ཉིད་བསྟན་པའི་ལེའུ་སྟེ་དྲུག་པའོ།། །། ཡང་གསོལ་པ། ཀྱེ་ཀྱེ་གསང་བའི་བདག་པོ་ལགས།། ཉན་བསམ་བསྒོམ་པའི་ཁྱད་པར་ཅི།། གསང་བའི་བདག་པོས
iiif viewer powered by OpenSeadragon
