| e-texts navigator |
| Wylie |
367a1 ལ་ཐ་དད་སྣང་།། བྱང་ཆུབ་ཀྱི་ནི་དོན་རྟོགས་ན།། ཐམས་ཅད་དབྱེར་མེད་གཅིག་གི་ངང་།། ཞེས་གསུངས་སོ།། བང་མཛོད་འཕྲུལ་ཀྱི་མེ་ལོང་ལས།། གཅིག་པ་དང་ཐ་དད་པའི་མཐའ་བསལ་བའི་ལེའུ
367a2 སྟེ་བཞི་པའོ།། །། ཡང་གསོལ་པ། ཀྱེ་ཀྱེ་གསང་བའི་བདག་པོ་ལགས།། ཆོས་ཉིད་བཀོལ་བ་མེད་པ་ལ།། ཐིག་ལེ་དྲུག་ཕྱེ་མི་འགལ་ལམ།། ཆེ་བ་ཡོན་ཏན་བསམ་ཡས་ལ།། ཆེ་བ་ལྔར་འདུས་མི་འགལ་ལ
367a3 མ།། ཆོས་ཉིད་ངོས་བཟུང་མེད་པ་ལ།། ཡིན་པ་གསུམ་པོ་མི་འགལ་ལམ།། གསང་བའི་བདག་པོས་བསྟན་དུ་གསོལ།། གསང་བའི་བདག་པོས་གསུང་བ། ཀྱེ་སེམས་དཔའ་ཆེན་པོ་ཉོན་ཅིག། ཆོས་ཉིད་བཀོལ་བ
367a4 མེད་པ་ལ།། ཐིག་ལེ་དྲུག་ཏུ་ཕྱེ་བ་ཡང་།། བྱང་ཆུབ་སེམས་ཀྱི་ཆོས་ཉིད་ཀྱི།། ཡོན་ཏན་ཆ་ལ་བརྩིས་ནས་ཕྱེ།། དེ་ཕྱིར་དེ་ལ་འགལ་བ་མེད།། ཆེ་བའི་ཡོན་ཏན་བསམ་ཡས་ལ།། ཆེ་བ་ལྔ་རུ་བསྡུས་པ་ཡང་།། གཞི་ནི
367a5 ཡོ་ག་བཞི་དང་སྦྱར།། གཅིག་ནི་ཀུན་གྱི་ལ་བཟླ་བས།། དེ་ཕྱིར་དེ་ལ་འགལ་བ་མེད།། ཆོས་ཉིད་ངོས་གཟུང་མེད་པ་ལ།། ཡིན་པ་གསུམ་དུ་བསྟན་པ་ཡང་།། བྱང་ཆུབ་སེམས་ཀྱི་ཆོས་ཉིད་དེ།། ཀུན་དང་འབྲེལ་པས
367a6 རྒྱུད་ཀྱང་ཡིན།། ཡང་དག་ལམ་དུ་ཞུགས་པ་ཡིན།། བཟུང་དུ་རུང་བས་ལུང་ཡང་ཡིན།། ཉམས་སུ་བླང་བའི་ཆོས་ཉིད་དུ།། བྱང་ཆུབ་སེམས་ལས་མེད་པའི་ཕྱིར།། དེ་ཕྱིར་མན་ངག་དམ་པ་ཡིན།། དེས་ན་དེ་ལ་འགལ
iiif viewer powered by OpenSeadragon
