| e-texts navigator |
| Wylie |
366b1 བཤད་པ་ཡིན།། ཆོས་སྐུས་འགྲོ་བ་ཀུན་ཁྱབ་པས།། ཆོས་སྐུ་དྲི་མ་ཡོད་པ་ཡང་།། མི་རིགས་རིགས་པར་བཤད་པ་ཡིན།། སྐུ་དང་ཡེ་ཤེས་བཟང་འཁྲུལ་བས།། སྐུ་དང་ཡེ་ཤེས་འཁྲུལ་སྣང་བར།། མི་རིགས་རིགས
366b2 པར་བཤད་པ་ཡིན།། དུས་གསུམ་སངས་རྒྱས་ཐམས་ཅད་ལ།། སྣང་བ་ཐུན་མོང་མི་འགོག་པས།། སངས་རྒྱས་རྟོག་པ་ཡོད་པ་ཡང་།། མི་རིགས་རིགས་པར་བཤད་པ་ཡིན།། སྐྱེ་མཆེད་མུ་བཞིའི་ལྷ་རྣམས
366b3 ཀྱང་།། འབྱུང་བ་བཞི་ལ་མ་ལྟོས་པས།། འབྱུང་བ་བཞི་ཡིས་མ་བསྐྱེད་པའི།། འགྲོ་དྲུག་སེམས་ཅན་ཡོད་པ་ཡང་།། མི་རིགས་རིགས་པར་བཤད་པ་ཡིན།། བར་མ་དོ་ཡི་སྲིད་པ་ཡིས།། འགྲོ་བ་གང་གི་རྒྱུད་མ
366b4 བཟུང་།། འགྲོ་དྲུག་མ་གཏོགས་སེམས་ཅན་ཡང་།། མི་རིགས་རིགས་པར་བཤད་པ་ཡིན།། ཞེས་གསུངས་སོ།། བང་མཛོད་འཕྲུལ་གྱི་མེ་ལོང་ལས། མི་རིགས་རིགས་པར་བཤད་པའི་ལེའུ་སྟེ་གསུམ
366b5 པའོ།། །། ཡང་གསོལ་པ། ཀྱེ་ཀྱེ་གསང་བའི་བདག་པོ་ལགས།། སངས་རྒྱས་སེམས་ཅན་བདེ་སྡུག་བསྔལ།། བཟང་ངན་ཆེ་ཆུང་སྐྱོན་ཡོན་ཏན།། ཆོས་དང་ཆོས་ཉིད་བདེན་རྫུན་གཉིས།། ཕྱི་ཡི་ཡུལ་དང་ནང་གི
366b6 སེམས།། གཅིག་པ་ལགས་སམ་ཐ་དད་ལགས།། གསང་བའི་བདག་པོས་བསྟན་དུ་གསོལ།། གསང་བའི་བདག་པོས་གསུངས་པ།། ཀྱེ་སེམས་དཔའ་ཆེན་པོ་ཉོན་ཅིག། གོང་དུ་དྲིས་པའི་དོན་དེ་དག། མ་རྟོགས་པ
iiif viewer powered by OpenSeadragon
