| e-texts navigator |
| Wylie |
366a1 གཤམ་བུ།། རུས་སྦལ་སྤྲས་ཀྱང་འཁྲུལ་པར་རིགས།། ཞེས་གསུངས་སོ།། བང་མཛོད་འཕྲུལ་གྱི་མེ་ལོང་ལས། འཇིག་རྟེན་གྱི་སྣང་ཚུལ་དང་རྟག་ཆད་ཀྱི་མཐའ་བསལ་བར་བསྟན་པའི་ལེའུ་སྟེ་གཉིས
366a2 པའོ།། །། ཡང་གསོལ་པ། ཀྱེ་ཀྱེ་གསང་བའི་བདག་པོ་ལགས།། མི་རིགས་རིགས་པར་བཤད་པ་གང་།། རྒྱུ་ལས་མ་བྱུང་འབྲས་བུ་དང་།། སེམས་ལས་མ་བྱུང་སངས་རྒྱས་དང་།། ལུང་ལས་མ་བྱུང་མན་ངག
366a3 དང་།། ཆོས་སྐུ་དྲི་མ་ཡོད་པ་དང་།། སྐུ་དང་ཡེ་ཤེས་འཁྲུལ་སྣང་དང་།། སངས་རྒྱས་རྟོག་པ་ཡོད་པ་དང་།། འབྱུང་བཞིས་མ་བསྐྱེད་སེམས་ཅན་དང་།། འགྲོ་བ་དྲུག་ལ་མ་གཏོགས་པའི།། སེམས་ཅན་ཡོད་ནི་མི་སྲིད
366a4 ན།། གལ་ཏེ་ཡོད་ན་དེ་ཉིད་གང་།། གསང་བའི་བདག་པོས་བསྟན་དུ་གསོལ།། གསང་བའི་བདག་པོས་གསུངས་པ།། ཀྱེ་སེམས་དཔའ་ཆེན་པོ་ཉོན་ཅིག། བྱང་ཆུབ་སེམས་ཀྱི་ཆོས་ཉིད་དེ།། ཡེ་ནས་སངས་རྒྱས་ཡིན
366a5 པས་ན།། བསོད་ནམས་རྒྱུ་ལས་མ་བྱུང་བས།། རྒྱུ་ལས་མ་བྱུང་འབྲས་བུ་ཡང་།། མི་རིགས་རིགས་པར་བཤད་པ་ཡིན།། སེམས་ཀྱི་རང་བྱུང་ཡེ་ཤེས་དེ།། ཤེས་དང་དྲན་ལས་བྱུང་བ་མེད།། སེམས་ལས་མ་བྱུང་སངས
366a6 རྒྱས་ཀྱང་།། མི་རིགས་རིགས་པར་བཤད་པ་ཡིན།། བྱང་ཆུབ་སེམས་ཀྱི་ཆོས་ཉིད་དེ།། ཉམས་སུ་བླང་བའི་མན་ངག་སྟེ།། རྒྱལ་བའི་ལུང་ལ་མི་ལྟོས་པར།། ལུང་ལ་མ་བརྟེན་མན་ངག་ཀྱང་།། མི་རིགས་རིགས་པར
iiif viewer powered by OpenSeadragon
