| e-texts navigator |
| Wylie |
365b1 ལགས།། གསང་བའི་བདག་པོས་བསྟན་དུ་གསོལ།། གསང་བའི་བདག་པོས་གསུངས་པ།། ཀྱེ་སེམས་དཔའ་ཆེན་པོ་ཉོན་ཅིག། མངོན་སུམ་རྟོག་དང་བྲལ་བ་ཅན།། མངོན་སུམ་ཉིད་དུ་གྲུབ་པ་ཡིན།། མངོན་སུམ
365b2 ཉིད་ལས་དགག་མི་རིག། གང་གིས་འགེག་ན་ཆད་པའི་མཐའ།། མངོན་སུམ་སྣང་ཡང་རྨི་ལམ་བཞིན།། སྣང་ཡང་དངོས་པོར་གྲུབ་པ་མེད།། གང་ཞིག་མངོན་འཛིན་རྟག་པའི་མཐའ།། རང་བཞིན་གནས་པའི་ཆོས
365b3 ཉིད་ལ།། ཡོད་མེད་སྒྲོ་དང་སྐུར་མ་འདེབས།། མ་དམིགས་ཕྱིར་ན་ངང་གིས་སྟོང་།། ཞེས་གསུངས་སོ།། ཡང་གསུངས་པ།། མངོན་སུམ་རྟེན་འབྲེལ་རྐྱེན་གྱིས་སྣང་།། རྐྱེན་མ་འདུས་པར་སྣང་མི་སྲིད།། དཔེར་ན
365b4 མདུང་ཁྱིམ་ལྟ་བུའོ།། རྨི་ལམ་སྔར་ཞེ་ན་བག་ཆགས་ཡིན།། མཐོང་ཐོས་བྱས་ཕྱིན་བག་ཆགས་རྣམས།། སྔར་ཞེ་ན་སེམས་ལ་ཡོད་པའི་ཕྱིར།། རྨི་ལམ་དག་ཏུ་སྣང་བ་ཡིན། སྔར་ཞེན་མེད་ན་སྣང་མི་སྲིད།། ཅེས
365b5 གསུངས་སོ།། ཡང་གསུངས་པ།། ཏིང་འཛིན་རྟོགས་པ་སྔོན་ལ་བཅུག། ཕྱི་མས་ལོང་བཏགས་གསལ་བཏབ་པས།། ཏིང་འཛིན་ཕྱག་རྒྱར་གསལ་བ་ཡང་།། དེ་ཡང་རྟོགས་པའི་འབྲས་བུ་ཡིན།། ཞེས་གསུངས
365b6 སོ།། ཡང་གསུངས་པ།། ཐོ་མི་ཐག་སྦྲུལ་སྨིག་རྒྱུ་ཆུ།། འདྲ་གཞི་ཙམ་ལ་བརྟེན་ནས་ནི།། སྔར་ཞེན་ཡིད་ཀྱི་འཁྲུལ་སྣང་ཡིན།། སྔར་ཞེན་མེད་ན་འཁྲུལ་མི་སྲིད།། གལ་ཏེ་མེད་ཀྱང་འཁྲུལ་ན་ནི།། རི་བོང་རྭ་དང་མོ
iiif viewer powered by OpenSeadragon
