| e-texts navigator |
| Wylie |
365a1 མཐོང་ཙམ་ན།། གཟོད་ཅིག་ཆེ་ཞིང་གཉེན་བློ་སྐྱེས།། བུ་རམ་ཁར་བཅུག་མ་མུར་ན།། བུ་རམ་མངར་བའི་རོ་མི་ཚོར།། བུ་རམ་ཁར་བཅུག་མུར་ཙམ་ན།། གཟོད་ཅིག་མངར་བའི་རོ་དང་ཕྲད།། ཀུན་ཏུ
365a2 བཟང་པོ་ཉིད་ཀྱི་དོན།། མ་བཤད་བར་དུ་གོ་མི་འགྱུར།། བཤད་ན་གཟོད་ཅིག་གོ་བ་སྐྱེ།། དེ་དོན་བདག་ལ་བསྟན་དུ་གསོལ།། ཞེས་གསོལ་པས། གསང་བའི་བདག་པོས་གསུངས་པ། ཀྱེ་སེམས་དཔའ་ཆེན་པོ་ཉོན
365a3 ཅིག། རི་རྣམས་ཐམས་ཅད་བལྟ་འདོད་ན།། ལྷུན་པོའི་རྩེ་ནས་ཅིག་ཆར་ལྟོས།། ཆུ་རྣམས་ཐམས་ཅད་འཐུང་འདོད་ན།། རྒྱ་མཚོའི་ཆུ་ལ་ངོམས་པར་འཐུངས།། རྫོགས་ཆེན་འབྲས་བུ་འཐོབ་འདོད་ན།། རྩོལ་མེད
365a4 སེམས་ཀྱི་ངང་ལ་ཞོག། སངས་རྒྱས་ས་རུ་འགྲོ་འདོད་ན།། གཉིས་མེད་ལམ་ལ་ཞུགས་ལ་སོང་།། ཟས་མེད་ཟས་ལ་སྤྱོད་འདོད་ན།། ཡེ་ཤེས་མངོན་གྱུར་ཟས་ལ་སྤྱོད།། ཆོས་ཉིད་ངོ་བོ་རྟོགས་འདོད་ན།། འཕྲུལ་གྱི་མེ
365a5 ལོང་འདི་ལ་ལྟོས།། ཞེས་གསུངས་སོ།། བང་མཛོད་འཕྲུལ་གྱི་མེ་ལོང་ལས།། ཆོས་ཉིད་ཀྱི་དོན་ཞུས་པའི་ལེའུ་སྟེ་དང་པོའོ།། །། དེ་ནས་སེམས་དཔའ་རྡོ་རྗེས་འདི་སྐད་ཅེས་གསོལ་ཏོ།། ཀྱེ་གསང་བའི་བདག་པོ
365a6 ལགས།། རྟག་ཆད་གཉིས་ཀྱི་མཐའ་གང་ལགས།། རྟག་ཆད་མཐའ་ནི་གང་གིས་བསལ།། འཇིག་རྟེན་སྣང་ཚུལ་ཇི་ལྟར་ལགས།། འཁྲུལ་པའི་འབྲས་བུ་ཇི་ལྟར་ལགས།། འཁྲུལ་པའི་སྣང་ཚུལ་ཇི་ལྟར
iiif viewer powered by OpenSeadragon
